მთავარი კალათბურთი “დელტა” ფინალურ სერიაში დაწინაურდა

“დელტა” ფინალურ სერიაში დაწინაურდა

ავტორი კახა მიხანაშვილი
16 ნახვა

საქართველოს  საკალათბურთო სუპერლიგის პირველ ფინალურ ორთაბრძოლაში “დელტამ” “ქუთაისი”  90:83 დაამარცხა და სერიაში 1-0 დაწინაურდა.

ქუთაისის “სპორტის სასახლეში ” გამართული მატჩი მოლოდინისამებრ, დაძაბული და საინტერესო გამოდგა.

პირველი პერიოდი იმერლებმა მინიმალური სხვაობით 23-20 მოიგეს.  დიდი შესვენების წინ კი ანგარიში ქუთაისელძთა სასარგებლოდ 39-38 იყო.

“დელტამ” მესამე პერიოდში კარგად ითამაშა და დასკვნითი მეოთხედის წინ ანგარიშით 70-58 გავიდა.

საბოლოოდ “დელტამ”  “ქუთაისს”   90:83 სძლია.

გამარჯვებული გუნდიდან  19 ქულით  ამერიკელი ერიკ ნოთიჯი გამოირჩა.  მისმა თანამემამულე  მალკოლმ დრამრაითმა  16 ქულა დააგროვა.  14-14 ქულას თავი ბექა ბექაურმა და საბა ლობჟანიძემ მოუყარეს.  უკრაინელმა არტიომ შვეცმა 11 ქულა მიითვალა.

იმერულ გუნდს საქართველოს ნაკრების კალათბურთელმა აკაკი დვალიშვილმა ულიდერა.  მან  “ქუთაისს” 24 ქულა შესძინა.  ამერიკელმა ჯონათან ლიმ  და  გიორგი ბარბაქაძემ 19-19 ქულა მოაგროვეს.  დავით ლომიძემ 14 ქულა ჩააგდო.

საქართველოს ჩემპიონატის ფინალური სერიის მე-2 მატჩში ისევ ქუთაისში, გაიმართება.

შეხვედრა 24 მაისს, 18:30 საათზე დაიწყება.

სუპერლიგის ფინალური სერია 3 მოგებამდე გაგრძელდება.

 

 

0 კომენტარი
0

მსგავსი პუბლიკაციები

დატოვეთ კომენტარი