მთავარი კალათბურთი “ქუთაისმა” ფინალურ სერიაში ანგარიში გაათანაბრა

“ქუთაისმა” ფინალურ სერიაში ანგარიში გაათანაბრა

ავტორი კახა მიხანაშვილი
18 ნახვა

საქართველოს საკალათბურთო სუპერლიგის ფინალური ეტაპის მეორე შეხვედრაში “ქუთაისმა” “დელტა” 82 – 70 დაამარცხა და სერიაში ანგარიში გაათანაბრა.

ქუთაისის ,,სპორტის სასახლეში”  გამართულ მატჩში იმერლებმა პირველი პერიოდი 27:15 მოიგეს.   მეორე მეოთხედი უკეთ “დელტას” კალათბურთელებმა ჩაატარეს. დიდი შესვენების წინ ანგარიში ქუთაისელთა სასარგებლოდ 42-41 დაფიქსირდა.

დარცენილ დროში “ქუთაისმა” კარგად იასპარეზა და მატჩი გამარჯვებამდე მიიყვანა.

გამარჯვებული გუნდიდან 24 ქულით გიორგი ბარბაქაძე გამოირჩა.  საქართველოს ნაკრების კალათბურთელმა აკაკი დვალიშვილმა თავი 20 ქულას მოუყარა.  13 ქულა ამერიკელმა ჯონათან ლიმ დააგროვა.

“დელტას”  13-13 ქულა ამერიკელმა მალკოლმ დრამრაითმა  და უკრაინელმა არტიომ შვეცმა შესძინეს. 12-12 ქულას კი ერიკ ნოთიჯმა და ბექა ბექაურმა უწიეს.

ფინალური სერიის მე-3 მატჩი თბილისის “ოლიმპიურ სასახლეში” 27 მაისს, გაიმართება.   ჩემპიონობისთვის ბრძოლა 3 მოგებამდე გრძელდება.

0 კომენტარი
0

მსგავსი პუბლიკაციები

დატოვეთ კომენტარი