მთავარი სხვა_ზამთრის სახეობები კანადამ ჩეხეთი გაანადგურა და მსოფლიოს ჩემპიონატის ფინალში გავიდა

კანადამ ჩეხეთი გაანადგურა და მსოფლიოს ჩემპიონატის ფინალში გავიდა

ავტორი კახა მიხანაშვილი
42 ნახვა

სლოვაკეთში მიმდინარე ყინულის ჰოკეის მსოფლიოს ჩემპიონატზე ფინალში თამაშის უფლება კანადის ეროვნულმა ნაკრებმა მოიპოვა.

კანადელებმა ჩეხეთის გუნდი 5-1 გაანადგურეს.

პირველ პერიოდში ერთადერთი შაიბა გავიდა. კანადის ნაკრები მარკ სტოუნმა დააწინაურა.

მეორე პერიოდის სტარტზე დარნელ ნურსემ ჩეხებს მეორე შაიბა შეუგდო.

კანადელებმა ბოლო პერიოდის წინ კონფორტული ჰანდიკაპი შეიქმნეს. ჩეხეთის კარი მესამედ პიერ-ლუკ დებოიმ დალაშქრა.

დასკვნით პერიოდში თამაშის სურათი არ შეცვლილა. უპირატესობას ისევ კანადელები ფლობდნენ და მოწინააღმდეგის შეცვლაზე შემოსული მეკარის პაველ ფრანცუზის კარში 2 შაიბა შეაგდეს.
თავი კაილ ტარისმა და ტომა  შაბომ გამოიჩინეს.

ერთადერთი ე.წ. პრესტიჟის გოლი ჩეხებმა შეხვედრის მიწურულს გაიტანეს. გოლის ავტორი ტომას ზოჰორნა გახდა.

საბოლოოდ კანადამ 5-1 მოიგო და მსოფლიოს ჩემპიონატის ფინალში მეთორმეტედ გავიდა.
კანადელები პლანეტის უძლიერესი გუნდის სტატუსის მოპოვებას მერვედ შეეცდება.

ჰოკეის მსოფლიოს ჩემპიონატის ფინალი 26 მაისს, გაიმართება.
გადამწყვეტი ორთაბრძოლა 22:15 საათზე დაიწყება.

მანამდე კი ამავე დღეს, 17:45 საათზე მესამე ადგილისთვია მატჩი შედგება.
მსოფლიოს ჩემპიონატის ბრინჯაოს მედლების მოპოვებას რუსეთისა და ჩეხეთის ნაკრებები შეეცდებიან.

0 კომენტარი
1

მსგავსი პუბლიკაციები

დატოვეთ კომენტარი