მთავარი სხვა_ზამთრის სახეობები სენსაცია ,,როლან გაროსზე” – WTA-ს რეიტინგის მე-2 ჩოგანი კაროლინა პლიშკოვა პარიზს დაემშვიდობა

სენსაცია ,,როლან გაროსზე” – WTA-ს რეიტინგის მე-2 ჩოგანი კაროლინა პლიშკოვა პარიზს დაემშვიდობა

ავტორი კახა მიხანაშვილი
51 ნახვა

საფრანგეთის დედაქალაქ პარიზში მიმდინარე ,,დიდი მუზარადის” ტურნირ ,,როლან გაროსზე” 1/16 ფინალურ ეტაპზე სენსაცია დაფიქსირდა.

WTA-ს რეიტინგის მე-2 ჩოგანმა კაროლინა პლიშკოვამ ხორვატ პეტრა მარტიჩთან წააგო და ტურნირს გამოეთიშა.

ბალკანელმა ჩოგბურთელმა პლიშკოვას იოლად 2-სეტში 6-3, 6-3 მოუგო.

პეტრა მარტიჩი ,,დიდი მუზარადის” ტურნირის 1/8 ფინალში გავიდა. იქ კი მისი მოწინააღმდეგე ესტონელი კაია კანეპი იქნება.

ბალტიისპირელმა ჩოგბურთელმა 1/16 ფინალში რუს ვერონიკა კუდერმეტოვას 3-სეტში 4-6, 6-3, 6-0 სძლია.

,,როლან გაროსზე” კიდევ ერთი 1/8 ფინალური წყვილი გაირკვა.

1/4 ფინალში გასასვლელად ერთმანეთს ჩეხი მარკეტა ვონდროუსოვა და ლატვიელი ანასტასია სევასტოვა შეებრძოლებიან.

ვონდროუსოვამ 1/16 ფინალური ბარიერი ესპანელი კარლა სუარეს ნავაროს ძლევის შემდეგ გადალახა. ჩეხმა პირინეელ ჩოგბურთელს 2-სეტში 6-4, 6-4 მოუგო.

ანასტასია სევასტოვამ კი დრამატულ 3-სეტიან ორთაბრძოლაში ბელგიელი ელის მერტენსი 6-7, 6-4, 11-9 დაამარცხა.
დაპირისპირება 3 საათი და 21 წუთი გაგრძელდა.

ესპანელმა გარბინ მუგურუსამ 1/16 ფინალური ბარიერი იოლად გადალახა და 1/8 ფინალში მორიგ მეტოქეს ელოდება.
მუგურუსამ უკრაინელ ელინა სვიტოლინას მარტივად 2-სეტში 6-3, 6-3 სძლია.
მუგურუსას მოწინააღმდეგე ამერიკელ სლოან სტეფენსსა და სლოვენიელ პოლონა ჰერცოგის ბრძოლაში გაირკვევა.

ზემოთაღნიშნული 1/8 ფინალური შეხვედრები 2 ივნიისს, გაიმართება.

0 კომენტარი
0

მსგავსი პუბლიკაციები

დატოვეთ კომენტარი