მთავარი მთავარი პირველი მედალი ძალოსნობის მსოფლიოს ჩემპიონატიდან – არჩილ მალაყმაძემ ბრინჯაოს მედალი დაისაკუთრა

პირველი მედალი ძალოსნობის მსოფლიოს ჩემპიონატიდან – არჩილ მალაყმაძემ ბრინჯაოს მედალი დაისაკუთრა

ავტორი კახა მიხანაშვილი
34 ნახვა

ფიჯის დედაქალაქ სუვაში მიმდინარე ძალოსნობის 20-წლამდელთა ჩემპიონატზე საქართველოს ნაკრებმა პირველი მედალი მოიპოვა.

ქართველთა ყულაბაში ბრინჯაოს მედალი 73 კილოგრამ წონით კატეგორიაში მოასპარეზე არჩილ მალაყმაძემ ჩააჩხრიალა.

მალაყმაძემ ატაცში სამიდან ორი მისვლა კარგად გამოიყენა. ქართველმა ძალოსანმა 136 და 142 კილოგრამიანი შტანგა ასწია. რაც პლანეტის პირველობაზე მესამე შედეგი აღმოჩნდა.
ამასთანავე არჩილ მალაყმაძემ საქართველოს რეკორდი 2 კილოგრამით გააუმჯობესა.
ქართველმა ძალოსანმა აკვრაში 163 და 168 კილოგრამი დასძლია, თუმცა ამ მოძრაობაში მედალს ვერ შეწვდა.
ორჭიდის ჯამში მალაყმაძის მონაგარმა 310 კგ შეადგინა.

ფიჯის მსოფლიოს პირველობაზე ქართველებიდან კიდევ 3  ძალოსანი ლომია თებიძე (81), ირაკლი ჩხეიძე (102), თორნიკე ტაბატაძე (+109) გამოვა

ფოტო: საქართველოს ძალოსნობის ფედერაცია.

0 კომენტარი
1

მსგავსი პუბლიკაციები

დატოვეთ კომენტარი