მთავარი სხვა_MMA ტონის მიჯრით მეთორმეტე

ტონის მიჯრით მეთორმეტე

25 ნახვა

მიჯრით მოგებული 12 წაუგებელი ორთაბრძოლა დაუგროვდა ოქტაგონზე ეს კუკუის მეტსახელით ცნობილ ტონი ფერგიუსონს. 35 წლის ამერიკელმა ათლეტმა უკანასკნელად მარცხი შორეულ 2012-ში იწვნია მაიკლ ჯონსონთან და მას მერე აგერ უკვე 6 წელია არავისთან აგებს.

ამ დროის განმავლობაში ტონიმ არაერთ გამორჩეულ მებრძოლს გამოუყვანა წირვა. ედსონ ბარბოსა გინდათ თუ რაფაეს დოს ანიოსი, ან კევინ ლი და ენტონი პეტისი. ვერცერთმა ვერ შეძლო ელ კუკუის დამწუხრება. გამონაკლისი არც გასული დაპირისპირება ყოფილა. ტონის პირისპირ ამჯერად დონალდ სერონი წარსდგა, თუმცა ვერც მან გააწყო რაიმე. მეორე ხუთწუთეულში ტექნიკური ნოკაუტით დამარცხდა.

“ზედიზედ მე-12 გამარჯვება მოვიპოვე. არ ვიცი, კიდევ რა უნდა გავაკეთო, რათა ტიტულისთვის ვიბრძოლო. დამღალა წრეზე სიარულმა. ჩემპიონობა მსურს!” – განაცხადა ნაორთაბრძოლარს ტონიმ ჟურნალისტებს.

მართალიცაა ეს ბიჭი და ვინ ოხერი ეტყვის ტყუიხარო?!

6 წელი წაუგებელად გამოდიოდე UFC-ში, სპორტის ამ სახეობის ყველაზე ძლიერ პრომოუშენში, და მაინც არ გაძლევდნენ უფლებას საჩემპიონო ჯახი გამართო სულ ცოტა უპატივცემულობის ნიშანია.

 

0 კომენტარი
0

მსგავსი პუბლიკაციები

დატოვეთ კომენტარი