მთავარი ჭიდაობათავისუფალი მაისურაძის ოქრო და ბრინჯაოს დუეტი – ახალგაზრდა თავისუფლების ევროპული მონაგარი ასეთია

მაისურაძის ოქრო და ბრინჯაოს დუეტი – ახალგაზრდა თავისუფლების ევროპული მონაგარი ასეთია

23 ნახვა

უხეირო სტარტის მერე მაჟორულ ნოტზე დაასრულეს გამოსვლა ჩვენმა თავისუფალი სტილით მოჭიდავეთა ახალგაზრდულ ნაკრების წევრებმა ესპანურ პონტევედრაში გამართულ ევროპის ასაკობრივ პირველობაზე. კონტინენტის უძლიერესი 86 კილოგრამში მირიან მაისურაძე გახდა, მესამე საპრიზო ადგილებზე კი გოგა მამიაური და ვასილ ხვისტანი გავიდნენ 74 და 125 კილოგრამებში.

ძალიან დაძაბულ პაექრობის გადატანა მოუხდა ფინალში სომეხი მჰერ მარკოსიანთან მაისურაძეს. საბედნიეროდ ჩვენებურმა მეტოქეს 3:2 აჯობა და მანამდე ჭაბუკებში მოგებულ მსოფლიო ოქროს, ახალგაზრდული ევროპული ოქროს შემატა.

ასევე დაძაბული გამოდგა მეოთხეფინალი მოლდოველ ივან ნედეალკოსთამ, რომელსაც მაისურაძემ 2:1 მოუგო. სამაგიერო გაილაღა მერვედფინალში და ნახევარფინალში და აზერბაიჯანელი ფუად მაილოვი და უკრაინელი დემიდ კარაჩენკო 14:6 და 11:3 დაჯაბნა.

ოქროს მოპოვების შანსი მამიაურმა ნახევარფინალში რუს კურპივთან, ხვისტანმა კი უკრაინელ იძინსკთან დაკარგეს, თუმცა მოგვიანებით ორთავემ ფინალში გასვლას მოახერხა და ჩვენებურები სანუგეშო წრეში გაიყოლეს.

უკვე ბრინჯაოს კი ფინალში მამიაურმა აზერბაიჯანელი ნასიბ ისაევი გაანადგურა 10:0. თავის მხრივ ხვისტანმა ბელარუს მიკიტა ჰორჰუნს აჯობა 9:5.

რაც შეეხებათ ნაკრების დანარჩენ წევრებს:

სამწუხაროდ ყველა მათგანი ნაადრევად გამოეთიშა შეჯიბრებას. ამირან ვახტანგაშვილმა, გიორგი ნიშნიანიძემ და დავით ქოჩქიანმა პირველივე შეხვედრები დათმეს. მხოლოდ გოდერძი ძებისაშვილმა, ოთარ ბაგაურმა, ბაგრატ გაგნიძემ და ელგუჯა ბალანჩივაძემ გაახერხეს თითო პაექრობის მოგება.

0 კომენტარი
0

მსგავსი პუბლიკაციები

დატოვეთ კომენტარი