მთავარი მთავარი გიორგი წიტაიშვილი – ვინ არის ფეხბურთელი, რომელმაც გოლი მსოფლიოს ჩემპიონატის ფინალში გაიტანა?

გიორგი წიტაიშვილი – ვინ არის ფეხბურთელი, რომელმაც გოლი მსოფლიოს ჩემპიონატის ფინალში გაიტანა?

ავტორი კახა მიხანაშვილი
212 ნახვა

პოლონეთში მიმდინარე მსოფლიოს 20-წლამდელთა ჩემპიონატის ფინალში უკრაინის შემადგენლობაში ქართული წარმოშობის ფეხბურთელმა გიორგი წიტაიშვილმა ითამაშა და სამხრეთ კორეის კარში მესამე გოლი გაიტანა.

უკრაინამ აზიელებს 3-0 მოუგო და წიტაიშვილი მსოფლიოს ჩემპიონისთვის განკუთნილ თასს დაეუფლა.

გაგაცნობთ მცირე ინფორმაციას ქართველი მსოფლიოს ჩემპიონის შესახებ.

გიორგი წიტაიშვილი ცნობილი ქართველი ფეხბურთელის კლიმენტი წიტაიშვილის ვაჟია, რომელიც სხვადასხვა დროს არაერთ ქართულსა თუ ევროპულ გუნდებში თამაშობდა.

გიორგი 2000 წლის 18 ნოემბერს ისრაელში დაიბადა.  მაშინ კლიმენტი ამ ქვეყნის გუნდის რიშონის “ჰაპოელის” ღირსებას იცავდა.

უმცროსი წიტაიშვილი 3 წლის იყო, როდესაც მამა სათამაშოთ კვიპროსის “ანორთოსისში” გადავიდა.   ფამაგუსტას გუნდის იმჟამინდელი მოთამაშე მწვრთნელი თემურ ქეცბაია იყო.  გიორგი ფეხბურთით სწორედ მაშინ დაინტერესდა.

11 წლის ასაკში გიორგი წიტაიშვილი სინჯებზე ,,ბარსელონას” საყოველთაოდ ცნობილ აკადემია “ლა მასიაში” მოხვდა. სინჯებმა წარმატებით ჩაიარა, თუმცა ერთი პრობლემა წარმოიშვა. “ბარსელონას” ბაზაზე მის თანატოლებს ცხოვრების უფლება არ ჰქონდათ.   კატალონიიდან წამოსვლის შემდეგ კლიმენტის თემურ ქეცბაიამ პატარა გიორგის კიევის “დინამოს” საფეხბურთო აკადემიაში ჩარიცხვა ურჩია.  კიევში პატარა წიტაიშვილი მიიღეს. საცხოვრებელი პრობლემაც გადაუწვიტეს და მის მერე ქართველი ფეხბურთელი უკრაინაში იმყოფება.

გიორგი წიტაიშვილმა უკრაინის ყველაზე ტიტულოვან კლუბთან პროფესიონალური კონტრაქტი 2017 წელს გააფორმა.  ქართველმა ფეხბურთელმა უკრაინის მოქალაქეობა მიიღო და მას შემდეგ ამ ქვეყნის ყველა ასაკობრივი ნაკრების მაისური მოირგო. წიტაიშვილმა 2-2 მატჩი უკრაინის 17 და 18 წლამდელთა ნაკრებში ითამაშა.  19-წლამდელთა ნაკრებში კი 12 შეხვედრაში 5 გოლი გაიტანა.

გიორგი წიტაიშვილის დებიუტი უკრაინის 20-წლამდელთა ნაკრებში 2019 წლის 24 მაისს შედგა.

მსოფლიოს აწ დასრულებულ ჩემპიონატზე გიორგი წიტაიშვილი ამერიკასთან ჯგუფური ეტაპის პირველ მატჩში სასტარტო შემადგენლობაში იმყოფებოდა და 78-ე წუთზე შეცვალეს.

უკრაინის ნაკრების მიერ ჩატარებულ მეორე ორთაბრძოლაში წიტაიშვილმა ასევე ძირითად შემადგენლობასი დაიწყო.  ქართველი ნახევამცველი 62-ე წუთზე შეცვალეს.

ჯგუფური ეტაპის დასკვნით მატჩში წიტაიშვილი განაცხადში ყო, თუმცა მოედანზე არ გამოჩენილა.

ახალგაზრდულ მუნდიალის 1/8 ფინალურ შეხვედრაში უკრაინამ პანამას 4:1 სძლია.  ამ შეხვედრაში წიტაიშვილმა 62 წუთი ითამაშა.

1/4 ფილანში უკრაინის ნაკრებმა კოლუმბიას მინიმალური სხვაობით 1-0 მოუგო.  აქ ორთაბრძოლაში გიორგი წიტაიშვილი მეორე ტაიმის საწყის წუთებში ჩაერთო.

1/2 ფინალში უკრაინელთა თავკაცმა ოლექსანდრ პეტრაკოვმა წიტაიშვილი განაცხადს მიღმა დატოვა და ფინალურ მატჩისთვის შემოინახა.

გიორგი წიტაიშვილმა მსოფლიოს ჩემპიონატის ფინალური დაპირისპირებაში სრულად ითამაშა და მატჩის დასრულებამდე 1 წუთით ადრე სამხრეთ კორეის კარში ნაკრების მესამე გოლი გაიტანა.

 

 

0 კომენტარი
0

მსგავსი პუბლიკაციები

დატოვეთ კომენტარი