მთავარი საქართველოეროვნული ნაკრები მსოფლიოს თასზე საქართველოს 20-წლამდელთა ნაკრები ფიჯის წინააღმდეგ დაირაზმა

მსოფლიოს თასზე საქართველოს 20-წლამდელთა ნაკრები ფიჯის წინააღმდეგ დაირაზმა

ავტორი კახა მიხანაშვილი
86 ნახვა

,,უმცროსი ბორჯღალოსნები”  წლევანდელი  რაგბის 20-წლამდელთა მსოფლიოს ჩემპიონატის უმნიშვნელოვანეს შეხვედრას ფიჯისთან გამართავენ.

მატჩის მე-9 ადგილისათვის იქნება.  გამარჯვებული ნაკრები ელიტაში ადგილს დაიბევებს.

საქართველოს 20-წლამდელტა ნაჯრებმა მიმდინარე პლანეტის პირველობაზე 3 უმძიმესი შეხვედრა უკვე ჩაატარა.   ქართველები მსოფლიოს რაგბის გრანდებთან ახალ ზელანდიასთან (13:45) და სამხრეთ აფრიკასთან (20:48) დამარცხდნენ.ჯგუფური ეტაპის დასკვნით შეხვედრაში ილია მაისურაძის შეგირდებმა შოტლანდიას თამაში შემოუტრიალეს და 17:12 სძლიეს, რითაც ჯგუფში მესამე ადგილი დაიკავეს, მაგრამ მესამეადგილოსნებს შორის უარესი მაჩვენებლით და ბრძოლა მაინც მე-9 ადგილისთვის მოუწევთ.

ფიჯიმ, რომელიც 12 გუნდში „ალაფიდან“ წელს აღზევდა, კარგი თამაშები ჩაატარა, თუმცა ჯგუფური ეტაპის შემდეგ, მაინც მე-12 ადგილზე დარჩა. კუნძულელებმა შარშანდელ ჩემპიონ საფრანგეთს ორი ლელო გაუტანეს და 20:36 დამარცხდნენ; ორი ლელო გაუტანეს მასპინძელ არგენტინასაც და 14:41; დასკვნით ტურში კი უელსს 67-ე წუთამდე ეომნენ, 4 ლელო გაიტანეს და მხოლოდ ქულით ჩამორჩებოდნენ, თუმცა საბოლოოდ 28:44 წააგეს და ერთ ბონუს ქულას დასჯერდნენ. შედეგად, ფიჯი ასევე 1-ქულიან იტალიას გატანილ-გაშვებული ქულათა ბალანსში 10-ით ჩამორჩა.

ტურნირის უმნიშვნელოვანეს შეხვედრას ,,უმცროსი ბორჯღალოსნები” საბრძოლო შემადგენლობით ხვდებიან. საბედნიეროდ, სერიოზული ტრავმა არავის აწუხებს და მწვრთნელებს 28-ვე მოთამაშის იმედი ექნებათ.

შერკინების პირველ ხაზში ლუკა აზარიაშვილი, ლუკა ნიორაძე და გია ხარაიშვილი დადგებიან. ეს ის სამეულია, რომელიც შოტლანდიასთან მეორე ტაიმში თამაშობდა. წინა შეხვედრის შემდეგ უცვლელი დარჩა შერკინების მეორე ხაზის წყვილი – ლუკა გელაშვილი და ვახტანგ ჯინჭარაძე.  5 დღის წინანდელ მატჩთან შედარებით ერთი ცვლილებაა მესამე ხაზში და თამაშს კობა კოლოტაური იწყებს. მეორე ფლანკერად ადგილი შეინარჩუნა ბექა ყორიაულმა, ხოლო შემკვრელი იოანე იაშაღაშვილი იქნება.

ღერძად თამაშს იწყებენ მიხეილ ალანია და თედო აბჟანდაძე, რომლებიც ახალ ზელანდიასთან და სამხრეთ აფრიკასთან ძირითადში იყვნენ, შოტლანდიასთან შესვენებისას შეცვლაზე შევიდნენ და მატჩში გარდატეხა შეიტანეს. ცენტრში კვლავ სასტარტო შემადგენლობაშია დემურ თაფლაძე, რომელსაც ამჯერად ლაშა ლომიძე შეუწყვილდება. ფრთაზე ადგილი შეინარჩუნა ოთარ ლაშხმა, რომელმაც სამხრეთ აფრიკასთან დუბლი შასრულა, ხოლო მეორე ფრთაზე ზურა ქავთარაძე ბრუნდება. ფულბეკის პოზიციაზე დადგება თემურ ჭიჭინაძე.

საქართველოს ნაკრების შემადგენლობა ფიჯის წინააღმდეგ ასეთი იქნება:

15. თემურ ჭიჭინაძე (ჯიქი), 14. ოთარ ლაშხი (ლელო), 13. დემურ თაფლაძე (ლელო), 12. ლაშა ლომიძე (აია), 11. ზურა ქავთარაძე (ხარები), 10. თედო აბჟანდაძე (აია, კაპ.), 9. მიხეილ ალანია (არმაზი);

1. ლუკა აზარიაშვილი (მონპელიე), 2. ლუკა ნიორაძე (ჯიქი), 3. გია ხარაიშვილი (რასინგ 92), 4. ლუკა გელაშვილი (არმია), 5. ვახტანგ ჯინჭარაძე (ჯიქი), 6. ბექა ყორიაული (ლელო), 7. კობა კოლოტაური (ლელო), 8. იოანე იაშაღაშვილი (არმაზი).

მარქაფა
16. ვანო კარკაძე (ორიაკი), 17. ნიკა ღვალაძე (გრენობლი), 18. ზაურ თევდორაშვილი (ანგულემი), 19. ტატო გვიმრაძე (ხვამლი), 20. იოსებ გუშარაშვილი (ყოჩები), 21. გიორგი მარგალიტაძე (ლელო), 22. სანდრო მარგიანი (აკადემია), 23. ირაკლი სიმსივე (აია), 24. გივი ცინცაძე (არმაზი), 25. კოტე მარჯანიშვილი (არმაზი),26. პაატა ბურჭულაძე (ხარები), 27. დაჩი პაპუნაშვილი (არმია), 28. ლუკა ჭელიძე (ტულონი).
მთავარი მწვრთნელი: ილია მაისურაძე
მწვრთნელები: ლადო კილასონია, ზურაბ ამონაშვილი
მენეჯერი: ოთარ იაშვილი
ფიზ. მომზადება: გიორგი ნადარეიშვილი, ნიკოლოზ პინაიშვილი
ფიზიო: რომან სახოკია, ბენჟამინ მოადაბ, ირაკლი შაორშაძე
ექიმი: ოდისეი სადოევი
ვიდეო: ვლადიმერ კუპრეიშვილი
ჯიპიეს: შავლეგ მახარაშვილი

საქართველოსა და ფიჯის მატჩში 17 ივნისს, გაიმართება. ორთაბრძოლა თბილისის დროით 20:00 საათზე დაიწყება.
მატჩის პირდაპირ რეპორტაჟს “რაგბი ტვ” შემოგვთავაზებს.

0 კომენტარი
0

მსგავსი პუბლიკაციები

დატოვეთ კომენტარი