მთავარი მთავარი ,,კოპა ამერიკაზე” ურუგვაიმ გაილაღა

,,კოპა ამერიკაზე” ურუგვაიმ გაილაღა

ავტორი კახა მიხანაშვილი
58 ნახვა

ბრაზილიაში მიმდინარე ,,კოპა ამერიკაზე”  პირველი შეხვედრა ურუგვაის ეროვნულმა ნაკრებმა ჩაატარა.

ბელუ-ორიზონტის სტადიონ ,,მინეირაოზე”  გამართულ მატჩში ურუგვაელებმა ეკვადორის ნაკრები 4:0 გაანადგურეს.

ოსკარ ტაბარესის შეგირდებმა დაპირისპირების ბედი თავის სასარგებლოდ პირველივე ნახევარში გადაწყვიტეს.  მათ ტაიმი 3:0 მოიგეს.

მე-6 წუთზე ურუგვაის ნაკრების ნახევარმცველმა ნიკოლას ლოდეირომ შესანიშნავი გოლი გაიტანა. ,,სიეტლ საუნდერსის”  ფეხბურთელმა ლუის სუარესის პასი მკერდზე მიიღო.  ბურთი ოსტატურად დაამუშავა და დასარტყმელ პოზიციაზე გავიდა.

24-ე წუთზე ეკვადორის ნაკრები კაცნაკლული დარჩა. მსაჯმა უხეშობისთვის მოედნიდან  ხოსე კინტეროსი გააძევა.

33-ე წუთზე ურუგვაი წინ ორბურთიანი სხვაობით გავიდა.  “პსჟ”-ს ფორვარდმა ედისონ კავანმა მეტოქის კარში ბურთი ნახევრადმაკრატელა დარტყმით შეაგდო.

44-ე წუთზე თავი “ბარსელონას” ფორვარდმა ლუის სუარესმა გამოიჩინა.  გოლი კუთხურს მოჰყვა.  ნიკოლას ლოდეიროს ჩაწოდების შემდეგ ბურთს მარტინ კასერესი შეეხო და შემდეგ ლუის სუარესს მიუვიდა. ამ უკანასკნელმა ეკვადორის კარი დალაშქრა.

მეორე ტაიმში მატჩის სურათი არ შეცვლილა უპირატესობას ისევ ურუგვაელები ფლობდნენ.

78-ე წუთზე ეკვადორის ნაკრების მცველმა არტურო მინამ ბურთი საკუთარ კარში ჩაჭრა.

საბოლოოდ ურუგვაის ნაკრებმა 4:0 მოიგო და C ჯგუფს სათავეში ჩაუდგა.

ჯგუფის მეორე დაპირისპირებაში ერთმანეთს ტურნირზე სპეციალურად მოწვეული იაპონიის ნაკრები და ბოლო 2-გზის ჩემპიონი ჩილე შეერკინებიან.

C ჯგუფი

ბელუ-ორიზონტი, ,,მინეირაო”

ურუგვაი 4:0 ეკვადორი
6′ ლოდეირო (1-0), 33′ კავანი (2-0), 44′ სუარესი (3-0), 78′ მინა ა.გ. (4-0)
გაძევება: 24′ კინტეროსი (ეკვადორი)

ურუგვაი: მუსლერა, ლაქსალტი, გოდინი, ხიმენესი, კასერესი, ლოდეირო (75′ ტორეირა), ბენტანკური, ვესინო (81′ ვალვერდე), ნანდესი (64′ პერესირა), კავანი, სუარესი
მთავარი მწვრთნელი: ოსკარ ტაბარესი

ეკვადორი: დომინგესი, კინტეროსი, მინა, აჩილიერი, კაისედო, ინტრიაგო, ორეხელა, ანტონიო ვალენსია, მენა (29′ ველასკო), პლესიადო (46′ იბარა), ენერ ვალენსია
მთავარი მწვრთნელი:ერნან გომესი

1. ურუგვაი 1 1 0 0 4:0 3
2. ჩილე 0 0 0 0 0:0 0
3. იაპონია 0 0 0 0 0:0 0
4. ეკვადორი 1 0 0 1 0:4 0

B ჯგუფში იქ, სადაც პირველ ტურში არგენტინის ნაკრებმა 0:2 კოლუმბიასთან წააგო მეორე მატჩი გაიმართა.

დაძაბული ორთაბრძოლა პარაგვაისა და ყატარის გუნდებს შორის ფრედ 2-2 დასულდა.

პარაგვაი 2:2 ყატარი
4′ კარდოსო (1-0), 56′ დ. გონსალესი (2-0), 68′ ალი ალმოესი (2-1), 77′ ხოუხი

1. კოლუმბია 1 1 0 0 2:0 3
2. პარაგვაი 1 0 1 0 2:2 1
3. ყატარი 1 0 1 0 2:2 1
4. არგენტინა 1 0 0 1 0:2 0
0 კომენტარი
0

მსგავსი პუბლიკაციები

დატოვეთ კომენტარი