მთავარი მთავარი სამხრეთ კორეის ძლევის შემდეგ ნორვეგია მსოფლიოს ჩემპიონატის 1/8 ფინალში გავიდა

სამხრეთ კორეის ძლევის შემდეგ ნორვეგია მსოფლიოს ჩემპიონატის 1/8 ფინალში გავიდა

ავტორი კახა მიხანაშვილი
23 ნახვა

საფრანგეთში მიმდინარე გოგონათა მსოფლიოს საფეხბურთო ჩემპიონატზე ჯგუფური ეტაპი A და B ჯგუფებში დასრულდა.

A ჯგუფში პირველი ადგილი მაქსიმალური ქულათა რაოდენობით მასპინძელთა ნაკრებმა მოიპოვა. ფრანგებმა სამივე შეხვედრაში გამარჯვება იზეიმეს.
ჯგუფის ბოლო მატჩში საფრანგეთის ნაკრებმა ნიგერია მინიმალური სხვაობით 1-0 დაამარცხა.
ორთაბრძოლაში ერთადერთი გოლი “ლიონის” ფერბურთელმა ვენდი რენარმა გაიტანა.

ამავე ჯგუფში 1/8 ფინალის საგზური ნორვეგიის ნაკრებმა დაუსაკუთრა.
სკანდინავიელებმა სამხრეთ კორეას 2:1 სძლიეს.

ნორვეგიელებმა მატჩის დასაწყისში კარგი საჩუქარი მიიღეს. მე-4 წუთზე მათ საარგებლოდ პენალტი დაინიშნა.
11-მეტრიანი დარტყმა ზუსტად “ბარსელონას” ფეხბურთელმა კაროლინ ჰანსენმა შეასრულა.

50-ე წუთზე აზიელთა კარის მიმართულებით კიდევ ერთი პენალტი დაინიშნა. ამჯერად 11-მეტრიანი იზაბელ ჰერლოვსენმა გაიტანა.

78-ე წუთზე სამხრეთ კორეის ფორვარდმა მინ-ჟი იეომ სხვაობა შეამცირა.
დარჩენილ დროში მეტი გოლი აღარ გასულა.
ნორვეგიამ თამაში გამარჯვებამდე მიიყვანა და მსოფლიოს ჩემპიონატის 1/8 ფინალში გავიდა.

საფრანგეთი 1:0 ნიგერია
79′ რენარი
გაძევება: 75′ ებერე ( ნიგერია)

სამხ. კორეა 1:2 ნორვეგია 4′ ჰანსენი პენ. (0-1), 50′ ჰერლოვსენი პენ. (0-2), 78′ მინ-ჟი იეო (1-2)

1. საფრანგეთი 3 3 0 0 7-1 9
2. ნორვეგია 3 2 0 1 6-3 6
3. ნიგერია 3 1 0 2 2:4 3
4. სამხ. კორეა 3 0 0 3 1:8 0

B ჯგუფიდან მუნდიალის 1/8 ფინალში გერმანია და ესპანეთი ითამაშებენ.

გერმანელებს 1/8 ფინალში თამაშის უფლება უკვე განაღდებული ჰქონდა. მიუხედავად,  ამისა სამხრეთ აფრიკის ნაკრები 4:0 გაანადგურეს.
ესპანეთმა კი კონკურენტ ჩინეთთან ფრედ 0-0 ითამაშა და ბურთების უკეთესი სხვაობით ფლეი-ოფში გავიდა.

ჩინეთი 0:0 ესპანეთი

სამხ. აფრიკა 0:4 გერმანია
14′ ლეუპოლზი (0-1), 29′ დებრიცი (0-2), 40′ პოპი (0-3), 58′ მაგული (0-4)

1. გერმანია 3 3 0 0 9-0 9
2. ესპანეთი 3 1 1 1 3:2 4
3. ჩინეთი 3 1 1 1 1:1 4
4. სამხ. აფრიკა 3 0 0 3 1:8 0

თუ ვის შეხვდებიან 1/8 ფინალში გასული გუნდები, ეს სხვა ჯგუფური ეტაპის მატჩების დასრულების შემდეგ გაირკვევა.

0 კომენტარი
0

მსგავსი პუბლიკაციები

დატოვეთ კომენტარი