მთავარი მთავარი ჩემპიონთა ლიგაზე “საბურთალოს” მეტოქე გაირკვა

ჩემპიონთა ლიგაზე “საბურთალოს” მეტოქე გაირკვა

ავტორი კახა მიხანაშვილი
36 ნახვა

რამდენიმე წუთის წინ ჩემპიონთა ლიგის პირველი საკვალიფიკაციო ეტაპის წილისყრა დასრულდა.

კენჭისყრის შედეგად საქართველოს ჩემპიონის პირველი მეტოქე გამოვლინდა.

თბილისის “საბურთალო” სადებიუტო მატჩს ჩემპიონთა ლიგაზე მოლდოვის ჩემპიონ ტირასპოლის “შერიფთა” ჩაატარებს.

ტირასპოლელთა გარდა, თბილისელთა შესაძლო მეტოქეები “სელტიკი” (შოტლანდია), “ყარაბახი” (აზერბაიჯანი), “დუდელანჟი” (ლუქსემბურგი) და “სლოვანი” (ბრატისლავა, სლოვაკეთი) იყვნენ.

“შერიფი” მოლდოვის 17-გზის ჩემპიონია. ტირასპოლურ კლუბს მოლდოვის თასი 10-ჯერ აქვს მოპოვებული.
8-ჯერ კი მოლდოვის სუპერთასი აღმართა.

მიმდინარე მოლდოვის ჩემპიონატში “შერიფს” განვლილი 13 ტურის შემდეგ 33 ქულა აქვს და სატურნირო ცხრილის სათავეში იმყოფება.

პირველი საკვალიფიკაციო ეტაპზე გუნდები ასე დაწყვილდნენ:

“ნომე კალიუ” (ესტონეთი) – “შკენდია” (მაკედონია)
“სუდუვა” (ლიტვა) – “ცრვენა ზვეზდა” (სერბეთი)
“არარატ-არმენია” (სომხეთი) – ,,აიკი”(შვედეთი)
“ასტანა” (ყაზახეთი) – “კლუჟი” (რუმინეთი)
“ლუდოგორეცი” (ბულგარეთი) – “ფერენცვაროში” (უნგრეთი)
“პარტიზანი” (ალბანეთი) – “ყარაბახი” (აზერბაიჯანი)
“სლოვანი” (სლოვაკეთი) – “სუტიესკა” (მონტენეგრო)
“სელტიკი” (შოტლანდია) – “სარაევო” (ბოსნია-ჰერცეგოვინა)
“შერიფი” (მოლდოვა) – “საბურთალო” (საქართველო)
“დუდელანჟი” (ლუქსემბურგი) – “ვალეტა” (მალტა)
“ლინფილდი” (ჩრდ.ირლანდია) – “რუსენბორგი” (ნორვეგია)
“ვალური” (ისლანდია) – “მარიბორი” (სლოვენია)
“დანდალკი” (ირლანდია) – “რიგა” (ლატვია)
“ნიუ საინთსი” (უელსი) – წინასწარი რაუნდის გამარჯვებული*
,,ჰიკი” (ფინეთი) – “ტორსჰავნი” (ფარერის კ-ბი)
ბატე (ბელარუსი) – “პიასტი” (პოლონეთი)

ჩემპიონთა ლიგაზე შეხვედრები 9-10 ივლისსა და 16-17 ივლისს ჩატარდება.

უეფა-ს ჩემპიონთა ლიგის მეორე საკვალიფიკაციო ეტაპის წილისყრა ხვალ, 19 ივნისს შედგება.

0 კომენტარი
0

მსგავსი პუბლიკაციები

დატოვეთ კომენტარი