მთავარი ჭიდაობაბერძნულ-რომაული რუსის ძლევით მათე გოქაძე ევროპის ჩემპიონია! შანსი კიდევ ოქროსი და 2 ბრინჯაოსი გვაქვს

რუსის ძლევით მათე გოქაძე ევროპის ჩემპიონია! შანსი კიდევ ოქროსი და 2 ბრინჯაოსი გვაქვს

39 ნახვა
მათე გოქაძე (საქართველო) V საიდ მუსაევი (რუსეთი) | ევროპის ჩემპიონატი ჭაბუკთა შორის 2019

⭕️ მათე გოქაძე ევროპის უძლიერესი ფალავანია ჭაბუკთა შორის!⭕️ ბერძნულ-რომაული სტილით მოჭიდავე ქართველმა ფალავანმა 110 კილოგრამის ფინალში 8:0 გაანადგურა რუსი საიდ მუსაევი.⭕️ ბრინჯაოს მედალს დაეუფლა 51 კილოგრამში დიმიტრი ხაჩიძე

Posted by Sporter/სპორტერი on Kolmapäev, 19. juuni 2019

პირველი მედლებით შეივსო საქართველოს ბერძნულ-რომაული სტილით მოჭიდავე ჭაბუკთა ნაკრების ყულაბა იტალიურ ფაენძაში მიმდინარე ევროპის ასაკობრივ პირველობაზე. კონტინენტის უძლიერესი 110 კილოგრამში მოასპარეზე მათე გოქაძე გახდა, მესამე საპრიოზო ადგილზე კი დიმიტრი ხაჩიძე გავიდა 55 კილოგრამში.

ოქროს მედლისთვის შეხვედრაში გოქაძემ 8:0 გაანადგურა რუსი საიდ მუსაევი. ყველაფერი ჩვენებურის მიერ დგომიდან შესრულებულ 4 ქულიან გდებას მოყვა, დანარჩენი კი უკვე დროის საკითხი იყო – ჩოგბჯენში ჩაყვანილი რუსი გოქაძემ იქამდე ატრიალა სანამ წმინდა გამარჯვება არ მოიპოვა.

თავის მხრივ დიმიტრი ხაჩიძემ ბრინჯაოს ფინალში 5:1 მოუგო უკრაინელი ედუარდ სტრილჩუკს.

თუმცა ეს ყველაფერი არ არის.

დღევანდელი დღის ფინალირ ბლოკში სამი ქართველია გასული. ხვიჩა ქორიძის შეგირდებიდან დათა ჩხაიძე (71კგ) ფინალშია გასული, ნიკა ბროლაძე (60) და კოტე სიჭინავა (92) კი დამამშვიდებლიდან შეეცდებიან ბრინჯაოსთვის იბრძოლონ.

0 კომენტარი
0

მსგავსი პუბლიკაციები

დატოვეთ კომენტარი