მთავარი მთავარი ლიონელ მესიმ გაიტანა – არგენტინამ ,,კოპა ამერიკაზე” მორიგი მატჩი ჩააგდო

ლიონელ მესიმ გაიტანა – არგენტინამ ,,კოპა ამერიკაზე” მორიგი მატჩი ჩააგდო

ავტორი კახა მიხანაშვილი
58 ნახვა

ბრაზილიაში მიმდინარე სამხრეთ ამერიკის კონტინენტის პირველობაზე არგენტინის ნაკრებმა მორიგი წარუმატებლობა განიცადა.

,,კოპა ამერიკის” მე-2 ტურის შეხვედრაში ლიონელ მესიმ და კომპანიამ პარაგვაის ნაკრებთან ფრედ 1-1 ითამაშეს და ჯგუფიდან გასვლის შანსი სათუო გახადეს.

ბელუ-ორიზონტის ” მინეირაოს”  სტადიონზე გამართულ ორთაბრძოლაში პირველი ტაიმი პარაგვაელებმა მოიგეს.  არგენტინელი მწვრთნელის ედუარდო ბერისოს შეგირდებმა პირველი ნახევრის ერთადერთი გოლი 37-ე წუთზე გაიტანეს.

მიგელ ალმირონის პასით არგენტინელთა კარი რიჩარდ სანჩესმა აიღო.

57-ე წუთზე ლიონელ მესიმ წონასწორობა აღადგინა.   არგენტინელთა სუპერვარსკვლავმა 11-მეტრიანის ნიშნულიდან იხეირა. პენალტი ლაუტარო მარტინესის ჩაწოდების შემდეგ ივან პირისის საკუთარ საჯარიმოში ხელით თამაშის გამო დაინიშნა.

პარგვაის ნაკრებს მატჩის მოგება შეეძლო. 62-ე წუთზე მათ სასარგებლოდ პენალტი დაინიშნა.    “მანჩესტერ სიტის” მცველმა ნიკოლას ოტამენდიმ  დერლის გონსალესის მოჩეხა.  11-მეტრაინის შესრულება თავად დაზარალებულმა ითავა.  მისი დარტყმული არგენტინელთა მეკარემ ფრანკო არმანმა მოიგერია.

B ჯგუფში ამ მატჩის გარდა ერთმანეთის პირისპირ კოლუმბიისა და ყატარის გუნდები წარსდგნენ.   სამხრეთ ამერიკელებმა ტურნირზე სტუმრის სტატუსით სპეციალურად მოწვეული აზიელები  მინიმალური სხვაობით 1-0 დაამარცხეს.

შეხვედრის ერთადერთი გოლი მატჩის დასრულებამდე 4 წუთით ადრე “რიველ პლეიტის” ფორვარდმა დუვან ზაპატამ გაიტანა.

B ჯგუფი

არგენტინა 1:1 პარაგვაი
37′ რ. სანჩესი (0-1), 57′ მესი (1-1)
62-ე წუთზე დერლის გონსალესმა პენალტი ვერ გაიტანა. (პარაგვაი)

არგენტინა: არმანი, კასკო, პეცელა, ოტამენდი, ტალიაფიკო, პერეირა (46′ აგუერო), ლო სელსო, პარედესი, დე პაულო (87′ მ. სუარესი), მესი, მარტინესი (67′ დი მარია)
მთავარი მწვრთნელი: ლიონელ სკალონი

პარაგვაი: ფერნანდესი, პირისი, გომესი, ალონსო, არზამენდია, სანჩესი, როდრიგო როხასი, გონსალესი (90′ ესკობარი), მატიას როხასი, ალმირონი (87′ ორტისი), სანტანდერი (72′ როხერო)
მთავარი მწვრთნელი: ედუარდო ბერისო

კოლუმბია 1:0 ყატარი
86′ ზაპატა

კოლუმბია: ოსპინა, ტელისიო, სანჩესი, მინა, მედინა (46′ არიასი), ურისე, ბარიონი, კუადრადო (64′ ფალჯაო), როდრიგესი, მარტინესი (75′ ლ.დიასი), ზაპატა
მთავარი მწვრთნელი: კარლოს კეიროში

ყატარი: ალ შეები, ალ-რავი, ხოუხი, სალმანი, კორეიე, ალ-ჰაიდოსი (84′ მოეირი), მაბიდო, ჰატიმი (66′ ბოუდიაფი), ჰასანი, აფიფი, ალმოესი
მთავარი მწვრთნელი: ფელიქს სანჩესი

1. კოლუმბია 2 2 0 0 3:0 6
2. პარაგვაი 2 0 2 0 3:3 2
3. ყატარი 2 0 1 1 2:3 1
4. არგენტინა 2 0 1 1 1:3 1

ბოლო ტური
23 ივნისი
კოლუმბია : პარაგვაი
ყატარი : არგენტინა

 

0 კომენტარი
0

მსგავსი პუბლიკაციები

დატოვეთ კომენტარი