მთავარი საქართველოეროვნული ნაკრები მსოფლიოს თასზე საქართველოს 20-წლამდელთა ნაკრები იტალიასთან მატჩისთვის დაირაზმა

მსოფლიოს თასზე საქართველოს 20-წლამდელთა ნაკრები იტალიასთან მატჩისთვის დაირაზმა

ავტორი კახა მიხანაშვილი
32 ნახვა

ხვალ, საქართველოს 20-წლამდელთა ნაკრები არგენტინაში მიმდინარე მსოფლიოს თასზე მატჩს მე-9 ადგილისათვის იტალიასთან გამართავს.

მსოფლიოს პირველობაზე “უმცროსმა ბორჯღალოსნებმა” 4 შეხვედრა ჩაატარეს. აქედან 2 ბრძოლა შოტლანდიასთან და ფიჯისთან გამარჯვებით დაასრულეს. ფავორიტ ახალ ზელანდიასთან და სამხრეთ აფრიკასთან კი ორთაბრძოლები დასთმეს.

იტალია პირველ მატჩში მომავალ ფინალისტ ავსტრალიასთან 12:36 დამარცხდა
მეორე ტურში ინგლისს დიდი ბრძოლა გაუმართა და მოგებასთანაც ახლოს იყო, თუმცა საბოლოოდ 23:24 დამარცხდა.
მესამე ტურში ირლანდიასთან 14:38 დამარცხდა. მე-9 ადგილის ნახევარფინალში იტალიელებმა შოტლანდიას აჯობეს, ბოლოს ორი ლელო გაუშვეს, მაგრამ საბოლოოდ 26:19 იმარჯვეს.

ჩემპიონატის დასკვნით შეხვედრას უმცროსი ბორჯღალოსნები ცვლილებებით ხვდებიან. შერკინების პირველ ხაზში თამაშს იწყებს კვაჭივანო კარკაძე, რომელიც ფიჯისთან შეცვლაზე შევიდა და გამარჯვების ლელო გაიტანა. შეიცვალა მარცხენა ბურჯი და ძირითადშია ნიკა ღვალაძე, ხოლო გია ხარაიშვილმა სასტარტოში ადგილი შეინარჩუნა.

შეიცვალა ერთი მეორეხაზელი, ლუკა გელაშვილს ტატო გვიმრაძე შეუწყვილდება. მესამე ხაზში ადგილი შეინარჩუნა იოანე იაშაღაშვილმა, ფლანკერები კი პაატა ბურჭულაძე და იოსებ გუშარაშვილი იქნებიან.

ორი ცვლილებაა ხაზში. ცენტრში თამაშს ირაკლი სიმსივე იწყებს, რომელიც დემურ თაფლაძეს შეუწყვილდება. უცვლელია ღერძი და სასტარტოში მიხეილ ალანიას და თედო აბჟანდაძეს ვიხილავთ. წინა მატჩის მსგავსად ფულბეკად თამაშს იწყებს თემურ ჭიჭინაძე. ფრთაზე ზურაბ ქავთარაძის ნაცვლად კოტე

ვიხილავთ, ხოლო მეორე ფრთა კვლავ ოთარ ლაშხი იქნება.

საქართველოს 20-წლამდელთა ნაკრების შემადგენლობა იტალიის წინააღმდეგ ასეთია:

15. თემურ ჭიჭინაძე (ჯიქი), 14. ოთარ ლაშხი (ლელო), 13. დემურ თაფლაძე (ლელო), 12. ირაკლი სიმსივე (აია), 11. კოტე მარჯანიშვილი (არმაზი), 10. თედო აბჟანდაძე (აია, კაპ.), 9. მიხეილ ალანია (არმაზი);

1. . ნიკა ღვალაძე (გრენობლი), 2. ვანო კარკაძე (ორიაკი), 3. გია ხარაიშვილი (რასინგ 92), 4. ლუკა გელაშვილი (არმია), 5. ტატო გვიმრაძე (ხვამლი), 6. პაატა ბურჭულაძე (ხარები), 7. იოსებ გუშარაშვილი (ყოჩები), 8. იოანე იაშაღაშვილი (არმაზი).

მარქაფა
16. ლუკა ნიორაძე (ჯიქი), 17. ლუკა აზარიაშვილი (მონპელიე), 18. ზაურ თევდორაშვილი (ანგულემი), 19. ვახტანგ ჯინჭარაძე (ჯიქი), 20. კობა კოლოტაური (ლელო), 21. გიორგი მარგალიტაძე (ლელო), 22. სანდრო მარგიანი (აკადემია), 23. ლაშა ლომიძე (აია), 24. გივი ცინცაძე (არმაზი), 25. ზურა ქავთარაძე (ხარები), 26. ბექა ყორიაული (ლელო), 27. დაჩი პაპუნაშვილი (არმია), 28. ლუკა ჭელიძე (ტულონი).
მთავარი მწვრთნელი: ილია მაისურაძე
მწვრთნელები: ლადო კილასონია, ზურაბ ამონაშვილი
მენეჯერი: ოთარ იაშვილი
ფიზ. მომზადება: გიორგი ნადარეიშვილი, ნიკოლოზ პინაიშვილი
ფიზიო: რომან სახოკია, ბენჟამინ მოადაბ, ირაკლი შაორშაძე
ექიმი: ოდისეი სადოევი
ვიდეო:ვლადიმერ კუპრეიშვილი
ჯიპიეს:შავლეგ მახარაშვილი

საქართველო – იტალიის მატჩი თბილისის დროით 22:30 საათზე დაიწყება.

შეხვედრა როსარიოში გაიმართება..

0 კომენტარი
1

მსგავსი პუბლიკაციები

დატოვეთ კომენტარი