მთავარი მსოფლიოესპანეთი მადრიდის “რეალი” ესპანეთის ჩემპიონია – “სამეფო კლუბმა” “ბარსელონას” მე-3 ორთაბრძოლა მოუგო

მადრიდის “რეალი” ესპანეთის ჩემპიონია – “სამეფო კლუბმა” “ბარსელონას” მე-3 ორთაბრძოლა მოუგო

ავტორი კახა მიხანაშვილი
19 ნახვა

ესპანეთის საკალათბურთო ჩემპიონატის ფინალური სერიის მე-4 მატჩში მადრიდის “რეალმა” კატალონიაში “ბარსელონას” 74:68 მოუგო და ჩემპიონის ტიტული ზედიზედ მეორედ დაისაკუთრა.

ფინალური ორთაბრძოლა ქულა-ქულაში მიმდინარეობდა. “სამეფო კლუბმა” 4-დან სამი პერიოდი მოიგო.

პირველი მეოთხედი დედაქალაქელებმა 24-21 გაიმარჯვეს. დიდი შესვენების წინ კი მადრიდელები 37-33 იგებდნენ.

დარჩენილი ორი პერიოდი “რეალმა” კარგად ჩაატარა და ფინალური სერიის მე-4 მატჩი გამარჯვებამდე მიიყვანა.

“რეალიდან” ყველაზე მეტი 15 ქულა ფაკუ კამპასომ დააგროვა. არგენტინელი კალათბურთელი მატჩის MVP გახდა.
გუნდს 12 ქულა რუდი ფერნანდესმა მოუტანა.
10-10 ქულას თავი ფრანგმა ფაბიენ კოზიემ, სლოვენიელმა ენტონი რენდოლფმა და კაპო ვერდელმა ვალტერ სამუელ ტავარესმა მოუყარეს.

“ბარსელონას” 16 ქულით სლოვენიელმა კევინ პანგოსმა ულიდერა. ამერიკელმა კრის სინგლერონმა 12 ქულას უწია.
11 ქულა უნგრელმა ადამ ჰანგამ დააგროვა.

მადრიდის ‘რეალმა” ესპანეთის ჩემოიონის ტიტული ისტორიაში ოცდამეთხუთმეტედ (35) მოიპოვა.

“სამეფო კლუბმა” ჩემპიონის თასი: 1957, 1958, 1959–60, 1960–61, 1961–62, 1962–63, 1963–64, 1964–65, 1965–66, 1967–68, 1968–69, 1969–70, 1970–71, 1971–72, 1972–73, 1973–74, 1974–75, 1975–76, 1976–77, 1978–79, 1979–80, 1981–82, 1983–84, 1984–85, 1985–86, 1992–93, 1993–94, 1999–2000, 2004–05, 2006–07, 2012–13, 2014–15, 2015–16, 2017–18, 2018-19 წლებში აღმართა.

0 კომენტარი
0

მსგავსი პუბლიკაციები

დატოვეთ კომენტარი