მთავარი მთავარი ბრაზილიამ პერუს ნაკრებს გადაუარა და ,,კოპა ამერიკის” 1/4 ფინალში გავიდა

ბრაზილიამ პერუს ნაკრებს გადაუარა და ,,კოპა ამერიკის” 1/4 ფინალში გავიდა

ავტორი კახა მიხანაშვილი
48 ნახვა

ბრაზილიის ქალაქ  სან პაულოს ,,არენა კორინთიანსზე”   ,,კოპა ამერიკის”  A ჯგუფის მე-3 ტურის შეხვედრა გაიმართა.

ერთმანეთს ბრაზილიის ნაკრები და პერუ დაუპირისპირდნენ.  შეხვედრა მსოფლიოს 5-გზის ჩემპიონების სრული უპირატესობით წარიმართა და მათი შთამბეჭდავი გამარჯვებით 5-0 დასრულდა.

,,პენტაკამპეონებმა” ანგარიში მე-12 წუთზე გახსნეს. პერუს ნაკრების საჯარიმოში შექმნილი არეულობით მადრიდის “რეალის” ფეხბურთელმა კაზემირომ იხეირა.

მე-19 წუთზე კურიოზული გოლი გავიდა.  პერუს ნაკრების მეკარემ პედრო გალესემ უწყინარ სიტუაციაში ბურთი რობერტო ფირმინოს გაარტყა ბურთი რიკოშეტით ძელს მოხვდა და “ლივერპულის” ფეხბურთელს მიუვიდა. მან კი მეკარე გააბითურა და ბრაზილია წინ 2-0 გაიყვანა.

32-ე წუთზე ბრაზილიელებმა მორიგი გოლი გაიტანეს.  ევერტონმა შორის მანძილიდან ეფექტური დარტყმით ბურთი მეტოქის კარში გაახვია.

მეორე ნახევარში თამაშის სურათი არ შეცვლილა.  ტერიტორიულ უპირატესობას ისევ ბრაზილია ფლობდა. მათ პერუს კარი კიდევ 2-ჯერ აიღეს.

53-ე წუთზე რობერტო ფირმინოს პასით მეკარესთან პირისპირ დარჩენილმა ვეტერანმა ფეხბურთელმა დანი ალვეშმა იხეია.

90-ე წუთზე კი შეცვლაზე შემოსულმა ვილიანმა საჯარიმოს გარედან მოხდენილი დარტყმით პერუს კარში მე-5 გოლი გაიტანა.

მსაჯის მიერ კონპენსირებულ დროში ბრაზილიამ ხელიდან მე-6 გოლი გატანის შანსი გაუშვა.  “მანჩესტერ სიტის” ფორვარდმა პენალტი ვერ გამოიყენა.

საბოლოოდ ბრაზილიამ პერუ 5-0 გაანადგურა და სატურნირი ცხრიილის სათავეში მოექცა. მსოფლიოს 5-გზის ჩემპიონები ჯგუფიდან გოლის გაუშვებლად და შესაბამისად წაუგებლად გავიდნენ.

ამავე ჯგუფის მეორე შეხვედრაში ვენესუელას ნაკრებმა ბოლივიას 3:1 სძლია და 1/4 ფინალში თამაშის უფლება მოიპოვა.

პერუ 0:5  ბრაზილია
12′ კაზემირო(0-1), 19′ ფირმინო (0-2), 30′ ევერტონი (0-3), 53′ დანი ალვეში (0-4), 90′ ვილიანი (0-5)

პერუ: გალესე, ტრაუკო, აბრამი, არაუხო, ადვინკულა, იოტუნი (46′ ფლორესი), ტაპია, პოლო,  კუევა (67′ ბალონი), ფარფანი, გერერო (55′ გონსალესი)
მთავარი მწვრთნელი:  რიკარდო გარეკა

ბრაზილია: ალისონი,  დანი ალვეში, სილვა, მარკინოსი,  ფელიპე ლუისი (57′ ალექს სანდრო), არტური,  კაზემირო (70′ ალანი), კოუტინიო (77′ ვილიანი), ევერტონი,  გაბრიელ ჟესუსი,  ფირმინო
მთავარი მწვრთნელი:  ტიტე

ბოლივია 1:3 ვენესუელა
2′ 55′ მაჩისი (0-1, 0-2), 82′ იუსტინიანო (1-2), 86′ მარტინესი (1-3)

1. ბრაზილია 3 2 1 0 8:0 7
2. ვენესუელა 3 1 2 0 3:1 5
3. პერუ 3 1 1 1 3:6 4
4. ბოლივია 3 0 0 3 2:9 0

 

0 კომენტარი
0

მსგავსი პუბლიკაციები

დატოვეთ კომენტარი