მთავარი მთავარი 2 ოქროს, 4 ბრინჯაოს შანსი – ევროპული თამაშებზე ქართველს სამბისტებს კიდევ 6 მედალის მოპოვება შეუძლიათ

2 ოქროს, 4 ბრინჯაოს შანსი – ევროპული თამაშებზე ქართველს სამბისტებს კიდევ 6 მედალის მოპოვება შეუძლიათ

ავტორი კახა მიხანაშვილი
75 ნახვა

ბელარუსის დედაქალაქ მინსკში ევროპის მე-2 თამაშებზე წარმატებულ გამოსვლას საქართველოს სამბოს ნაკრები აგრძელებს.

დღეს, ფინალურ ბლოკში 6 ქართველი მოჭიდავე იქნება წარმოდგენილი.  მათგან 2 სამბისტი ოქროს მედლის მოპოვებისთვის იბრძოლებს.

ევროპული თამაშების ფინალში ლევან ნახუცრიშვილი  და ბექა ბერძენიშვილი იასპარეზებენ.

74 კილოგრამ წონით კატეგორიაში ლევან ნახუცრიშვილმა 1/4 ფინალში  გამოცდილი მასპინძელი  ბელარუსი ცსიაპან პაპოუ 2-1 დაამარცხა.   1/2 ფინალში კი ბერძენი გეორგიოს მარქარიანი 5-1 გაანადგურა.

ფინალში ლევან ნახუცრიშვილის მეტოქე რუსი სტანისლავ სკრიაბინი იქნება.

მძიმე წონაში  ბექა ბერძენიშვილმა ევროპულ თამაშებზე პირველი ორთაბრძოლა ფრანგ გაბრიელ ჰებრეტეუსთან მოიგო.  1/2 ფინალში კი სერბი ვლადიმირ  გაჯიჩი იოლად ვადაზე ადრე დაამარცხა.

ფინალში ბექა ბერძენიშვილი 40 წლის მასპინძელ სამბისტს იური რიბაკს დაუპირისპირდება.

ბრინჯაოს მედლების მოპოვებას  გივი ნადარეიშვილი, გენადი ჩირგაძე, პაატა ღვინიაშვილი და ირინე ლეონიძე შეეცდებიან.

52 კილოგრამში გივი ნადარეიშვილის მეტოქე ბრინჯაოსთვის ბრძოლაში მასპინძელი ბელარუსი მაქსიმ კრასინსკი იქნება.

62 კილოგრამ წონით კატეგორიაში გენადი ჩირგაძე მედლის დაუფლებას აზერბაიჯანელ იავიდან გარაიევთან შეეცდება. 90 კილოგრამში მსოფლიოს ჩემპიონი პაატა ღვინიაშვილი სომეხ გრიგორ სააკიანს შეერკინება.

80 კილოგრამამდე წონაში ბრინჯაოს მედალს ირინა ლეონიძე უკრაინელ ალინა კოვალსკავსთან გამარჯვების შემთხვევაში აიღებს.

ევროპული თამაშების სამბოს შეჯიბრის ფინალური ბლოკი სტარტს თბილისის დროით 18:00 საათზე აიღებს.

0 კომენტარი
0

მსგავსი პუბლიკაციები

დატოვეთ კომენტარი