მთავარი საქართველოეროვნული ნაკრები “არ ვარ პირველი, მაგრამ მინდა ვიყო უკანასკნელი ვისაც უსამართლობა შეემთხვა” – ზურაბ ჟვანია წელს საქართველოს ნაკრებში აღარ ითამაშებს

“არ ვარ პირველი, მაგრამ მინდა ვიყო უკანასკნელი ვისაც უსამართლობა შეემთხვა” – ზურაბ ჟვანია წელს საქართველოს ნაკრებში აღარ ითამაშებს

ავტორი კახა მიხანაშვილი
197 ნახვა

ინგლისური “უოსპსის” ქართველი მორაგბე ზურაბ ჟვანია წელს საქართველოს ნაკრებში აღარ ითამამაშებს.  ეს ფაქტი მას შემდეფგ გახდა ცნობილი, რაც “ბორჯღალოსანთა” სამწვრთელო შტაბმა ქართველი ბურთი იმ 46-კაციან შემადგენლობაში არ შეიყვანა, რომელიც მსოფლიოს თასისთვის მოემზადება.

ზურაბ ჟვანიამ ამ ფაქტთან დაკავშირებით საკუთარ ფეისბუქის გვერდზე პოსტი გამოაქვეყნა. ქართველი მორაგბე აცხადებს, რომ მას უსამართლოდ მოექცნენ.

ზურაბ ჟვანია: ,,მივმართავ ყველა გულშემატკივარს, მადლობა ყველაფრისთვის, მადლობა დაფასებისთვის, გულშემატკივრობისთვის…

სამწუხაროა, რომ წელს საქართველოს ეროვნულ ნაკრებს ვერ დავეხმარები, მინდა იცოდეთ , რომ ეს ჩემი პირადი სურვილის გამო არ მომხდარა! ისევ თქვენი და საქართველოს გულისთვის მინდოდა მეთამაშა, განსაკუთრებით რუსეთის წინააღმდეგ !

მაგრამ მოხდა შემდეგი: კონკრეტული ადამიანების პირადი ინტერესების გამო ვერ ვიღებ მონაწილეობას მსოფლიო ჩემპიონატზე. ცუდია რომ სარაგბო სამყაროში ვიღაცის ინტერესები გადამწყვეტია, მაგრამ იცოდეთ მე აუცილებლად გაგახარებთ!

ჩემს ქვეყანაში თუ ამის უფლებას არ მაძლევენ იძულებული ვიქნები სხვა ქვეყნიდან გავაკეთო ეს. მინდა წარმატება ვუსურვო ჩემს მეგობრებს, საქართველოს ნაკრებს. მადლობა ყველა თქვენთაგანს ყურადღებისთვის.

დასმულ კითხვებს წინასწარ ვცემ პასუხებს. ვისაც ენდომება ამ თემაზე საუბარი, ყველასთვის გახსნილი იქნება, რადგან არ ვარ პირველი, მაგრამ მინდა ვიყო უკანასკნელი ვისაც უსამართლობა შეემთხვა და მომავალში სხვაც არ აღმოჩნდეს ჩემს სიტუაციაში.

საქართველოში ჩამოვედი საქართველოსთვის და თქვენთვის, ჩემი გულშემატკივრებისთვის, მაგრამ მინდა ვისაუბრო ამ საკითხზე და ისე დავბრუნდე უკან ღირსეულად. მინდა საქართელო და თქვენ კიდევ ბევრჯერ გაგახაროთ!”- აცხადებს ზურაბ ჟვანია.

0 კომენტარი
1

მსგავსი პუბლიკაციები

დატოვეთ კომენტარი