მთავარი ჭიდაობაბერძნულ-რომაული ბოლქვაძე ფინალშია და ხვალ ოქროსთვის რუსს დაეჭიდება

ბოლქვაძე ფინალშია და ხვალ ოქროსთვის რუსს დაეჭიდება

17 ნახვა

ფინალს უწია მინსკში მიმდინარე მეორე ევროპულ თამაშებზე ოლიმპიურმა და ევროპის პრიზიორმა შმაგი ბოლქვაძემ და ბერძნულ-რომაული სტილით მოჭიდავეთა ნაკრებს პირველი მედალი გაუნაღდა. აჭარელმა ფალავანმა ავსტრიელი ბარგერისა და სერბი ნემესის დამარცხების შემდეგ 67 კილოგრამის ნახევარფინალში სომეხ კარენ ასლანიანს “მშრალი” ანგარიშით 5:0 მოუგო.

ოქროსთვის შეხვედრაში შმაგის რუსი ზაურ კაბალოევთან მოუწევს დაჭიება.

ძალიან კარგი შანსი ჰქონდა ფინალში გასვლის დავით ჩხარტიშვილსაც. ჩვენი ევროპის პრიზიორი შეხვედრის დასრულებამდე 30 წამით ადრე 5:3-თაც კი იყო დაწინაურებული, თუმცა მეტოქემ მიჯრით 3 ქულა აართვა – 1 ქულა გაფრთხილებით და 2 კი ჩოგბჯენიდან დატრიალებით და ჩვენებური საბოლოოდ 6:5 დამარცხდა.

ბრინჯაოს ფინალში ჩხარტიშვილის მეტოქედ რუმინელ არნაუტსა და შვედი ფაზლჯიჯას წყვილში უმჯობესი ეყოლება.

სამედლო შეხვვედრები ხვალისთვისაა ჩანიშნული და სტარტს 19:30 საათიდან აიღებს.

0 კომენტარი
0

მსგავსი პუბლიკაციები

დატოვეთ კომენტარი