მთავარი ჭიდაობაბერძნულ-რომაული ბერძენ-რომაელების სამი მედალი მინსკიდან, მაგრამ ოქროს გარეშე

ბერძენ-რომაელების სამი მედალი მინსკიდან, მაგრამ ოქროს გარეშე

26 ნახვა

ჩვენმა ბერძნულ-რომაული სტილით მოჭიდავეთა ნაკრებმაც დაასრულა გამოსვლა მინსკის მეორე ევროპულ თამაშებზე. ბექა როყვას შეგირდები 6 წონიდან მედალს 3-ში შესწვდნენ, იჭიდავეს 2 ფინალი, თუმცა თავისუფლებისა არ იყოს მათ გამოსვლასაც აკლდა მთავარი აკორდი – ოქროს მედალი.

დღეს ტურნირის ვიცეჩემპიონი მძიმეწონოსანი იაკობ ქაჯაია გახდა, გუშინ კი იგივე შედეგზე ოლიმპიური და ევროპის პრიზიორი შმაგი ბოლქვაძე გავიდა. მესამე მედალი – ბრინჯაო დავით ჩხარტიშვილის ანგარიშზეა.

ბოლქვაძის და ჩხარტიშვილის ასპარეზობებზე გუშინ უკვე მოგახსენეთ და მათზე ახლა სიტყვას აღარ გავაგრძელებ და პირაპირ დღევანდელ მედალოსანზე ქაჯაიაზე გადავალ. წყალტუბოელ ფალავანს კვარცხლბეკის საჩემპიონო ადგილზე ასვლა აგილობრივმა კირილ ჰრიშანკამ არ დაანება და 5:1 მოუგო. არადა ჩვენებურმა ფინალამდე გზა ისე აღმაბლობით ჩაატარა, როცა ჯერ ლიტველ რომას ფრიდრიკასს გამოუვანა წირვა და მერე აზერბაიჯანელთა ოლიმპიურ პრიზიორ საბაჰ შარიათისა და ნორვეგიელ ოსკარ მარვიკს, ძნელად თუ იფიქრებდა ვინმე საჩემპიონო სვლაში ვინმე შეეცილებაო.

მაგრამ სამწუხაორდ შევეცილა და გვაჯობა კიდევ.

საბედისწერო კი პირველი პერიოდი გამოდგა, როცა ჩოგბჯენში ჩაყენებულმა ჰრიშანკამ 4 ქულა აქეთ აგვართვა. მეორე სამწუთეულში კი ქაჯაიას მდგომარეობის გამოსასწორებლად აღარც ჯანი ეყო და აღარც გამძლეობა.

დღესვე ბრინჯაოზე ჭიდაობა რევაზ ნადარეიშვილიც (97კგ), მაგრამ ხელი მოეცარა. რუს ალექსანდრ გოლოვინთან შეხვედრაში 5:1 დამარცხდა. ასევე უმედლოდ დაასრულეს ტურნირზე გამოსვლა ევროპის ჩემპიონმა და მსოფლიოს პრიზიორმა რობერტ კობლიაშვილმა (87კგ) და ახალგაზრდებში მსოფლიოს ჩემპიონმა გელა ბოლქვაძემ (77კგ).

0 კომენტარი
0

მსგავსი პუბლიკაციები

დატოვეთ კომენტარი