მთავარი მთავარი ჰოლანდიის ნაკრები მსოფლიოს ჩემპიონატის ფინალშია

ჰოლანდიის ნაკრები მსოფლიოს ჩემპიონატის ფინალშია

ავტორი კახა მიხანაშვილი
28 ნახვა

საფრანგეთში მიმდინარე გოგონათა საფეხბურთო მსოფლიოს ჩემპიონატის ფინალში ჰოლანდიის ეროვნული ნაკრები ითამაშებს.

ნიდერლანდთა სამეფოს ასულებმა 1/2 ფინალურ დრამატულ დაპირისპირებაში შვედეთის ნაკრები ოვერტაიმის შემდეგ 1:0 დაამარცხეს.

შეხვედრის ძირითადი დრო გატანილი გოლების გარეშე დასრულდა.   გამარჯვებულის გამოსავლენად ორი ოვერტაიმი დაინიშნა.

ჰოლანდიის ნაკრებმა წარმატებას პირველი დამატებული ტაიმის დროს მიაღწია.  99-ე წუთზე საჯარიმოს გარედან ზუსტი დარტყმით მეტოქის კარი ,,მანჩესტერ იუნაიტედის” ფორვარდმა ჯეკი გროენენმა აიღო.

ჰოლანდიის ნაკრები მსოფლიოს ჩემპიონატის ფინალში ამერიკის შეერთებული შტატების ნაკრებს დაუპირისპირდება.

ფინალური ორთაბრძოლა 7 ივლისს, შედგება.    შვედეთის ნაკრები კი ინგლისთან 6 ივლისს, მუნდიალის მესამე ადგილოსნის ბედს გაარკვევს.

 

 

 

0 კომენტარი
0

მსგავსი პუბლიკაციები

დატოვეთ კომენტარი