მთავარი მთავარი ნაგოია ბაშოზე სასტარტო ბრძოლების განრიგი ცნობილია

ნაგოია ბაშოზე სასტარტო ბრძოლების განრიგი ცნობილია

ავტორი კახა მიხანაშვილი
101 ნახვა

სუმოს სამშობლო იაპონიაში რამდენიმე დღეში სტარტს ნაგოია ბაშო აიღებს.

პროფესიული სუმოს ასოციაციამ სასტარტო ბრძოლების განრიგი გამოაქვეყნა.

მაკუუჩი დივიზიონში ოძეკის რანგში მყოფი ტოჩინოშინი პირველ ორთაბრძოლას აღმოსავლეთის მე-2 მაეგაშირა იაპონელ ენდოსთან ჩაატარებს.

ლევან გორგაძის მე-2 მოწინააღმდეგე კი მე-3 მაეგაშირა იაპონელი შოდაი იქნება.

სუპერტურნირზე ყველა დროის ერთერთი საუკეთესო რიკიში მონღოლი იოკოძუნა ჰაკუჰო იასპარეზებს.
“თეთრი ფენიქსი” სასტარტო ბრძოლაში იაპონელ კომოსუბი აბის შეერკინება. ჰაკუჰოს მეორე ჯახი აღმოსავლეთის პირველ მაეგაშირა იაპონელ ასანოიამასთან ელოდება.

მეორე იოკოძუნა მონღოლი კაკურიუ ნაგოია ბაშოზე გამოსვლას კომოსუბი რიუდენისთან ბრძოლით დაიწყებს.
მეორე დღეს კი დასავლეთის პირველ მაეგაშირა იაპონელ ჰოკუტოფუჯის დაუპირისპირდება.

რანგით დაბალ ჯურიოს დივიზიონში ქართველი გოლიათის გაგამარუს პირველი მოწინააღმდეგე ჯურიოს მე-2 რიკიში იაპონელი იშიურა იქნება.

თეიმურაზ ჯუღელი ნაგოია ბაშოზე დასავლეთის მე-2 ნომრის სტატუსით წარსდგება.
კაჩი-კოშის ანუ დადებითი ბალანსის შემთხვევაში გაგამარუს უმაღლეს მაკუუჩი დივიზიონში აღზევების შანსი აქვს.

ნაგოია ბაშო 7 ივლისს, დაიწყება და ტრადიციულად 15 დღე გაგრძელდება.

0 კომენტარი
0

მსგავსი პუბლიკაციები

დატოვეთ კომენტარი