მთავარი მთავარი არიენ რობენმა კარიერა დაასრულა

არიენ რობენმა კარიერა დაასრულა

ავტორი კახა მიხანაშვილი
15 ნახვა

ლეგენდარულმა ჰოლანდიელმა ფეხბურთელმა არიენ რობენმა  35 წლის ასაკში საფეხბურთო კარიერა დაასრულა.

რობენმა ამის შესახებ საკუთარ “ტვიტერის” გვერდზე დაწერა.

არიენ რობენი: ,, ბოლო რამდენიმე კვირის განმავლობაში ბევრი ვიფიქრე და საბოლოოდ გადავწყვიტე, რომ საფეხბურთო კარიერა დავასრულო.  ეს ყველაზე რთული გადაწყვეტილებაა, რაც ცხოვრებაში მიმიღია.  ფეხბურთს მთელი ჩემი ცხოვრება შევწირე,  მაგრამ  საყვარელი საქმისგან ჩამოშორების დრო მოვიდა. ეს არის გადაწყვეტილება, რომელიც გულმა და გონებამ მიკარნახა.  ცუდი საფეხბურთო კარიერა არ მქონია. იმედია,  ფეხბურთიოს გულშემატკივრებს წლების შემდეგაც ვემახსოვრები” – დაწერა “ტვიტერის” გვერდზე ჰოლანდიელმა ფეხბურთელმა.

არიენ რობენი ჰოლანდიის ქალაქ ბედუმში 1984 წლის 23 იანვარს დაიბადა.   მისი ფეხბურთთან პირველი შეხება “ბედუმის” ბავშთა საფეხბურთო სკოლაში 9 წლის ასაკში მოხდა.   12 წლისა კი “გრონინგენის” ბავშთა კლუბში მოხვდა.

2000 წელს კი “გრონინგენის” საფეხბურთო კლუბთან პირველი პროფესიული კონტრაქტი გააფორმა.  ამ კლუბში რობენმა 2 წელი დაჰყო.  2002 წელს კი ჰოლანდიის ერთ-ერთ ყველაზე პოპულარულ გუნდ “პსვ ეინთჰოვენში” გადავიდა.

2 წლის განმავლობაში არიენ რობენმა “პსვ”-ს  მაისურით 56 მატჩში 18 გოლი გაიტანა და ლონდონის “ჩელსის” თვალთახედვის არეში აღმოჩნდა.

2004 წელს ჰოლანდიელმა ფეხბურთელმა კონტრაქტი ლონდონელ “არისტოკრატებთან” გააფორმა.   “ჩელსის” რიგებში რობენმა 67 შეხვედრა ჩაატარა და 15 გოლი გიატანა.

არიენი 2007 წელს ყველა ფეხბურთელისთვის საოცნებო კლუბ მადრიდის “რეალში” გადავიდა.   “სამეფო კლუბში” რობენმა 3 წელი გაატარა.  ამ ხნის განმავლობაში ჰოლანდიელმა ფეხბურთელმა მადრიდელთა მაისური 50 შეხვედრაში მოირგო და თავი 11 გოლით გამოიჩინა.

ბოლოს კი მიუნხენის “ბაიერნში” თამაშობდა, სადაც კარიერა დაასრულა.
რობენმა ჰოლანდიის ეროვნულ ნაკრებში 96 მატჩი ჩაატარა და 37 გოლი გაიტანა.

აქვე გაეცანით არიენ რობენის მოპოვებული ტიტულების ჩამონათვალს:
ჰოლანდიის ჩემპიონი: 2002–2003 (“პსვ”)
ინგლისის ჩემპიონი 2-ჯერ: 2004–2005, 2005–2006 (“ჩელსი”)
ინგლისის თასი: 2006–2007 (“ჩელსი”)
ინგლისის ლიგის თასი2-ჯერ: 2004–2005, 2006–2007 (“ჩელსი”)
ესპანეთის ჩემპიონი: 2007–2008 (“რეალი”)
ესპანეთის სუპერთასი: 2008 (“რეალი”)
გერმანიის ჩემპიონი 8-ჯერ: : 2009–2010, 2012–2013, 2013–2014, 2014–2015, 2015–2016, 2016–2017, 2017–2018, 2018–2019 (“ბაიერნი”)
გერმანიის თასი 5-ჯერ: 2009–2010, 2012–2013, 2013–2014, 2015–2016, 2018–2019 (“ბაიერნი”)
გერმანიის სუპერთასი 2-ჯერ: 2010, 2012 (“ბაიერნი”)
ჩემპიონთა ლიგა: 2012–2013 (“ბაიერნი”)
უეფას სუპერთასი: 2013 (“ბაიერნი”)
მსოფლიოს ვიცეჩემპიონი: 2010 (ჰოლანდია)
მსოფლიოს მესამე პრიზიორი: 2014 (ჰოლანდია)

0 კომენტარი
0

მსგავსი პუბლიკაციები

დატოვეთ კომენტარი