მთავარი მთავარი ბრაზილიის ნაკრები ,,კოპა ამერიკის” ჩემპიონია

ბრაზილიის ნაკრები ,,კოპა ამერიკის” ჩემპიონია

ავტორი კახა მიხანაშვილი
53 ნახვა

სამშობლოში დასრულებულ  ,,კოპა ამერიკაზე” ტრიუმფალური გამარჯვება ბრაზილიის ეროვნულმა ნაკრებმა მოიპოვა.

ტურნირის გადამწყვეტ მატჩში მსოფლიოს 5-გზის ჩემპიონებმა პერუს ნაკრები დამაჯერებლად 3:1 დაამარცხეს.

ბრაზილიელელბმა ანგარიში მე-15 წუთზე გახსნეს.  “მანჩესტერ სიტის” ფორვარდის გაბრიელ ჟესუსის გადაცემის შემდეგ ბურთი მეტოქის კარის ბადეში “გრემიოს” თავდამსხმელმა ევერტონმა გაახვია.

ტაიმის მიწურულს მოვლენები დრამატულად განვითარდა.   44-ე წუთზე “პენტაკამპეონების” ნაკრების მცველს ტიაგო სილვას ბურთი ხელზე მოხვდა.  მსაჯმა პერუს სასარგებლოდ პენალტი დანიშნა.  11-მეტრიანი დარტყმა ზუსტად პაოლო გერერომ შეასრულა და წონასწორობა აღადგინა.

პირველი ტაიმისთვის კონპენსირებულ დროში ბრაზილიის ნაკრებმა პერუს გოლი გასახდელში გაატანა.  არტურის მინი სოლორეიდის შემდეგ ბურთი გაბრიელ ჟესუსს მიუვიდა. მან კი მოხდენილი დარტყმით მასპინძლები წინ გაიყვანა.

70-ე წუთზე ბრაზილიელები კაცნაკლული დარჩნენ.  მატჩის არბიტრმა ჩილელმა ტობარ ვარგასმა მოედნიდან გაბრიელ ჟესუსი გააძევა.

შეხვედრის ბოლო წუთზე პერუს ნაკრების ცენტრალურმა მცველმა კარლოს ზამბრანომ საკუთარ საჯარიმოში ევერტონი წააქცია.  პენალტიინგლისური გუნდის  “ევერტონის” შეცვლაზე შემოსულმა ფორვარდმა რიშარლისონმა გაიტანა.

საბოლოოდ ბრაზილიის ნაკრებმა 3:1 მოიგო და ,,კოპა ამერიკის” ჩემპიონისთვის განკუთნილი თასი აღმართა.  მსოფლიოს 5-გზის ჩემპიონებმა სამხრეთ ამერიკის კონტინენტის პირველობა მეცხრედ მოიგეს.  ბოლოს ბრაზილიას ჩემპიონის ტიტული 2007 წელს ჰქონდა მოპოვებული.

,,კოპა ამერიკის” ბომბარდირები 3 გატანილი გოლით ბრაზილიელი ევერტონი და პერუელი პაოლო გერერო გახდნენ.

,,კოპა ამერიკა”  ფინალი
რიო დე ჟანეირო, “მარაკანა”

ბრაზილია 3:1 პერუ
15′ ევერტონი (1-0), 44′ პაოლო გერერო (1-1), 45+3′ გაბრიელ ჟესუსი (2-1), 90′ რიშარლისონი (3-1)
გაძევება: 70′ გაბრიელ ჟესუსი (ბრაზილია)

ბრაზილია: ალისონი, დანი ალვეში, მარკინოსი, ტიაგო სილვა, ალექს სანდრო, კაზემირო, არტური, ევერტონი (90+3′ ალანი), კოუტინიო (77′ მილიტაო), გაბრიელ ჟესუსი, ფირმინო (75′ რიშარლისონი)
მთავარი მწვრთნელი: ტიტე

პერუ: გალესე, ადვინკულა, ზამბრანო, აბრამი, ტრაუკო, ტაპია (82′ კ. გონსალესი), იოტუნი (78′ რუიდიასი), კარილიო (86′ პოლო), კუევა, ფლორესი, გერერო
მთავარი მწვრთნელი: რიკარდო გარეკა

0 კომენტარი
0

მსგავსი პუბლიკაციები

დატოვეთ კომენტარი