მთავარი მსოფლიოევროპის ჩემპიონატი საქართველოს ნაკრებმა ევროპის ჩემპიონატზე შვედეთი დაამარცხა და ლიდერობა განიმტკიცა

საქართველოს ნაკრებმა ევროპის ჩემპიონატზე შვედეთი დაამარცხა და ლიდერობა განიმტკიცა

ავტორი კახა მიხანაშვილი
57 ნახვა

პორტუგალიის ქალაქ მატოშინოსში მიმდინარე 20-წლამდე  კალათბურთელთა ევროპის ჩემპიონატის B დივიზიონში საქართველოს ნაკრებმა მორიგი გამარჯვება მოიპოვა და ლიდერობა განიმტკიცა.

ევროპირველობის მე-3 ტურში ქართველებმა შვედეთის ნაკრები 73:64 დაამარცხა.

საქართველოს 20-წლამდელთა ნაკრებს რატი ანდრონიკაშვილმა ულიდერა.  მან 20 ქულასთან ერთად  10 მოხსნა დააგროვა და ორმაგი დუბლი შეასრულა.

ქართველებს 10 ქულა ლუკა მაზიაშვილმა მოუტანა.   9 ქულა ზურაბ ჟღენტის ანგარიშზეა, 8-8 ქულით თავი ცოტნე ცარციძემ და ნიკოლოზ მეცხვარიშვილმა გამოიჩინეს.

შვედეთის ნაკრებიდან ყველაზე მეტი 11 ქულა ერიკ იოჰამ ფელიქს პერსონმა მოიპოვა.    სკანდინავიელებს 10 ქულით ჰაკამ არნე ოლივერ გერკე შეეწია.

განვლილი 3 ტურის შემდეგ საქართველოს 20-წლამდელთა ნაკრები 3 გამარჯვებით ჯგუფის ერთპიროვნული ლიდერია.

ქართველებმა ჯგუფიდან გასვლის საკითხი ვადაზე ადრე თავის სასარგებლოდ გადაწყვიტეს.

არ დაგვავიწყდეს სომხეთის 20-წლამდელთა ნაკრებიც ამჯერად ჩვენმა მეზობლებმა მოკრძალებულად, მხოლოდ 57 ქულის სხვაობით წააგეს.  სომხები კოსოვოსთან 40-97 განადგურდნენ.

1. საქართველო U20 3 3 0 256:183 6
2. ჰოლანდია  U20 3 2 1 245:182 5
3. ესტონეთი U20 3 2 1 202:177 5
4. შვედეთი  U20 3 1 2 269:158 4
5. კოსოვო U20 3 1 2 174:214 4
6. სომხეთი U20 3 0 3 112:344 3

მე-4 ტური

16 ივლისი

კოსოვო U20 : საქართველო U20

შვედეთი  U20 : ჰოლანდია  U20

სომხეთი U20  : ესტონეთი U20

0 კომენტარი
0

მსგავსი პუბლიკაციები

დატოვეთ კომენტარი