მთავარი მსოფლიოევროპის ჩემპიონატი გილოცავთ, ევროპის საკალათბურთო ჩემპიონატი საქართველოში გაიმართება!

გილოცავთ, ევროპის საკალათბურთო ჩემპიონატი საქართველოში გაიმართება!

ავტორი კახა მიხანაშვილი
41 ნახვა

დღეს, გერმანიის ქალაქ მიუნხენში მდებარე ევროპული კალათბურთის მმართველ ორგანოში 2021 წლის ევრობასკეტის მასპინძელი ქვეყნები  დასახელდა.

კონტინენტის პირველობას ერთბაშად 4 ქვეყანა საქართველო,  ჩეხეთი, გერმანია და იტალია უმასპინძლებენ.

FIBA-მ საქართველო  7 კანდიდატ შორის გამოარჩია.  ევროპის ჩემპიონატის მასპინძლის სტატუსის მოსაპოვებლად ჩვენი ქვეყნის გარდა ჩეხეთი, ესტონეთი, გერმანია, უნგრეთი, იტალია და სლოვენია იბრძოდნენ.

საქართველოში ევროპირველობის ჯგუფური ეტაპის მატჩები გაიმართება.  ფინალურ ეტაპს, კი ჯგუფებიდან გასული გუნდების შემადგენლობით გერმანია უმასპინძლებს.

მიუნხენში გამართულ ევრობასკეტ 2021-ის მასპინძელთა დასახელების ცერემონიალს საქართველოს პრეზიდენტი სალომე ზურაბიშვილი, საქართველოს განათლების, მეცნიერების, კულტურისა და სპორტის მინისტრის მოადგილე, შალვა გოგოლაძე, საქართველოს კალათბურთის ეროვნული ფედერაციის პრეზიდენტი პაატა გურასპაული, ფიბა-ევროპის აღმასრულებელი საბჭოს წევრი და საქართველოს კალათბურთის ფედერაციის გენერალური მდივანი გიორგი ქართველიშვილი, კალათბურთის ფედერაციის ვიცე-პრეზიდენტი ვლადიმერ ბოისა და ეროვნული ნაკრების კაპიტანი თორნიკე შენგელია ესწრებოდნენ.

FIBA-ს ევროპის პრეზიდენტმა, თურგაი დემირელმა საქართველოს პრეზიდენტ სალომე ზურაბიშვილს ევროპის ჩემპიონატის მასპინძლობის უფლების მოპოვება მიულოცა და ცერემონიაზე დასწრებისთვის მადლობა გადაუხადა.

თურგაი დემირელი: ,,ქალბატონო პრეზიდენტო, მსურს, მადლობა გადაგიხადოთ ჩამობრძანებისთვის და სრულიად საქართველოს მივულოცო ეს დიდი მიღწევა. წარმატებებს გისურვებთ ტურნირის მიმდინარეობისას, დარწმუნებული ვარ, ყველა პირობას შეასრულებთ. ასე რომ, მთელი ფიბა-ევროპის სახელით გილოცავთ!”

საკალათბურთო ევროპის ჩემპიონატი 17–29 აგვისტოს გაიმართება.  მასში მონაწილეობას 24 ეროვნული ნაკრები მიიღებს.

ფოტო: საქართველოს კალათბურთის ფედერაცია

0 კომენტარი
0

მსგავსი პუბლიკაციები

დატოვეთ კომენტარი