მთავარი მთავარი გაგამარუმ ნაგოია ბაშო ჯურიოს ჩემპიონთან მარცხით დაასრულა

გაგამარუმ ნაგოია ბაშო ჯურიოს ჩემპიონთან მარცხით დაასრულა

ავტორი კახა მიხანაშვილი
22 ნახვა

სუმოს სამშობლო იაპონიაში მიმდინარე ნაგოია ბაშო ჯურიოს დივიზიონში დასრულდა.

გაგამარუს შიკონათი მოასპარეზე ქართველმა გოლიათმა თეიმურა ჯუღელმა ბოლო ორთაბრძოლაც დასთმო.  ჩვენებური რიკიში  მიმდინარე ბაშოს ჯურიოს ჩემპიონ ცურიგიშოსთან დამარცხდა.

ამომავალი მზის ქვეყნის რიკიშიმ გაგამარუ დიოჰიოდან იორიკირის ილეთით გაიყვანა. ცურიგიშო 13 გამარჯვებითა და 2 მარცხით ჯურიოს დივიზიონის ჩემპიონი გახდა და მაკუუჩიში აღზევების შანსიც მიეცა.

თეიმურაზ ჯუღელმა ნაგოია ბაშოზე ტრავმის გამო თავისი შესაძლებლობები ვერ გამოავლინა და წლის მე-4 სუპერტურნირი მაკე-კოჩით ანუ უარყოფითი ბალანსით დაასრულა.

გაგამარუმ  ზაფხულის ბაშოზე გამოსვლა 3 გამარჯვებითა და 12 მარცხით დაამთავრა.

ქართველი გოლიათი მიმდნარე ბაშოზე ჯურიოს მე-2 ნომრის სტატუსით გამოდიოდა.  ბაშოს ჩაგდების შემდეგ კი წოდებით ძალიან დაქვეითდება.

 

0 კომენტარი
0

მსგავსი პუბლიკაციები

დატოვეთ კომენტარი