მთავარი ვიდეო ძიუდომ ოქროთი დაიწყო

ძიუდომ ოქროთი დაიწყო

131 ნახვა
Nika BACHIASHVILI (GEO) V Alexandru MATEI (ROU) | European Youth Olympic Festival Judo 2019

⭕️ აბა რააა!!! ნიკა ბაჩიაშვილი ევროპის ახალგაზრდული ოლიმპიური ფესტივალის გამარჯვებულია!!!⭕️ 50 კილოგრამის ოქროს ფინალში ჩენმა ფალავანმა რუმინელი ალექსანდრუ მატეი დაამარცხა ვაზარით!

Julkaissut Sporter/სპორტერი Keskiviikkona 24. heinäkuuta 2019

უკვე მეოთხე დღეა რაც ევროპის ახალგაზრდული ოლიმპიური ფესტივალი მიმდინარეობს აზერბაიჯანის დედაქალაქ ბაქოში. აქამდე ქართული ყულაბა რვა მედლით იყო შევსებული და რვავე მოჭიდავეების მონაგარი გახლდათ. 12 წონიდან 8 მედალი როდია როდია ურიგო შედეგი, მეტიც მშვენიერიცაა, მაგრამ ქომაგებს მაინც ხინჯათ გვქონდა უოქროვობა.

და აი დღეს ნავსი გატყდა. ძიუდოისტმა ნიკა ბაჩიაშვილმა, რომელიც 50 კილოგრამში ირჯებოდა, მკერდი ოქროთი დაიმშვენა.

ეკუთვნობა და მიიღო კიდეც კუთვნილი – მოკლედ ასე შეგვიძლია შევაფასოთ ნიკას გამოსვლა დღეს. ფინალამდე იყო წმინდა გამარჯვებები ავსტრიელი აუერთან და იტალიელი სკატოლინოსთან. შემდეგ იყო ნახევარფინალი და რევანში ევროპაზე განცდილი მარცხისთვის ასაკში ფრანგთა ევროპის მოქმედი ჩემპიონ რომან პიკარდი. ჩვენებურმა ის ლამაზი ცერულით ბრინჯაოსკენ გზას გაუყენა თავად კი ფინალში დაიბევა ადგილი. უშუალოდ საოქროვე შეხვედრაში ნიკამ რუმინელ ალექსანდრუ მატეის სძლია ვაზარით და ქართულ დელეგაციას პირველი ოქრო შესძინა.

წინ კიდევ  სამი საშეჯიბრო დღეა.

ხვალ საჩემპიონო პაექრობაში შემდეგ ტრიოს ვიხილავთ – ელგუჯა ჭინჭარაშვილი (-66), გიორგი იანტბელიძე (-73) და მარიამ ლაფაჩიშვილი (-52).

0 კომენტარი
0

მსგავსი პუბლიკაციები

დატოვეთ კომენტარი