მთავარი საქართველოეროვნული ნაკრები ევროპის ჩემპიონატზე ლიდერთა ბრძოლაში საქართველოს 18-წლამდელთა ნაკრები ჩრდილოეთ მაკედონიასთან დამარცხდა

ევროპის ჩემპიონატზე ლიდერთა ბრძოლაში საქართველოს 18-წლამდელთა ნაკრები ჩრდილოეთ მაკედონიასთან დამარცხდა

ავტორი კახა მიხანაშვილი
90 ნახვა

რუმინეთში მიმდინარე ევროპის საკალათბურთო ჩემპიონატის B დივიზიონში საქართველოს 18-წლამდელთა ნაკრები მაკედონიასთან 79-87 დამარცხდა.

მატჩის პირველი ორი პერიოდი დაძაბულად ქულა-ქულა მიდიოდა.
დიდი შესვენების წინ ანგარიში მაკედონიელთა სასარგებლოდ 40-37 დაფიქსირდა.
ჩვენმა მეტოქემ მესამე მეოთხედში იმძლავრა და იქ მოპოვებული უპირატესობა ხელიდან აღარ გაუშვა.

შეხვედრაში მაკედონიის ნაკრების კალათბურთულმა ანდრეი იაკიმოვსკიმ გაიბრწყინა. მან გუნდს 33 ქულა შესძინა.
ანდრეი ანდონოვსკიმ საქართველოს 15 ქულა ჩაუგდო. 14 ქულის მოგროვება ვიქტორ ისაილოვსკიმ შეძლო.
10 ქულას კი პაველ დანაილოვსკიმ უწია.

საქართველოს ნაკრებს ყველაზე მეტი 20 ქულა ლუკა მიქელაძემ მოუტანა.
გუნდის ლიდერმა რატი ანდრონიკაშვილმა თავი 19 ქულას მოუყარა.
თემურ კანკიას შეგირდებიდან ანზორ ნადირაძე 11 ქულით გამოირჩა. 10 ქულით თავი ვლადიმერ თავაქარაშვილმა გამოიჩინა.

მიმდინარე ევროპირველობაზე საქართველოს 18-წლამდელთა ნაკრებს 2 მოგება და 1 მარცხი გააჩნია და 5 ქულით სატურნირო ცხრილში მეორე პოზიციას იკავებს.

ქართველები მორიგ მატჩს 30 ივნისს, უკრაინის ნაკრების წინააღმდეგ ჩაატარებენ.

1. მაკედონია 3 3 0 6
2. საქართველო 3 2 1 5
3. უკრაინა 3 2 1 5
4. ირლანდია 3 1 2 4
5. დანია 3 1 2 4
6.სლოვაკეთი 3 0 3 3

0 კომენტარი
0

მსგავსი პუბლიკაციები

დატოვეთ კომენტარი