მთავარი მსოფლიოევროპის ჩემპიონატი საქართველოს 18-წლამდელთა ნაკრებმა ევროპის ჩემპიონატზე უკრაინა დაამარცხა და ფლეი-ოფის საგზური ფაქტობრივად გაინაღდა

საქართველოს 18-წლამდელთა ნაკრებმა ევროპის ჩემპიონატზე უკრაინა დაამარცხა და ფლეი-ოფის საგზური ფაქტობრივად გაინაღდა

ავტორი კახა მიხანაშვილი
110 ნახვა

რუმინეთში მიმდინარე ევროპის 18-წლამდელთა ჩემპიონატის B დივიზიონში საქართველოს ნაკრებმა C ჯგუფის მე-4 ტურის მატჩში უკრაინა 85:73 დაამარცხა და ფლეი-ოფში გასასვლელად ძალიან დიდი ნაბიჯი გადადგა.

შეხვედრის პირველი ორი პერიოდი ქულა-ქულაში მიმდინარეობდა.  ქართველები  კი გადამწყვეტი უპირატესობას მესამე მეოთხედში დაეუფლნენ და ორთაბრძოლაც გამარჯვებამდე მიიყვანეს.

საქართველოს 18-წლამდელთა ნაკრებს რატი ანდრონიკაშვილმა ულიდერა. მან უკრაინასთან ბრწყინვალე თამაში ჩაატარა და გუნდს 24 ქულა მოუტანა.  12 ქულას თავი ვლადიმერ თავაქარაშვილმა მოუყარა.  მატჩში 11 ქულით ანზორ ნადირაძე გამოირჩა.  10 ქულა კი ალექსანდრე  მერკვილაძემ ჩააგდო.

უკრაინის ნაკრებიდან ყველაზე მეტი 18 ქულა მაქსიმ შულგამ დააგროვა. 13-13 ქულას ოლექსანდრ კოვლიარმა  და იგორ სერგეიევმა უწიეს.  11 ქულა იური რომანოვსკიმ მიითვალა.

ამ გამარჯვების შემდეგ საქართველოს 18-წლამდელთა ნაკრებს 3 მოგება და ერთი მარცხი გააჩნია და 7 ქულით სატურნირო ცხრილში მეორე პოზიციას იკავებს.

ქართველებმა უშუალო კონკურენტის დამარცხებით, ფლეი-ოფში თამაში ფაქტობრივად გაინაღდეს.  ჯგუფიდან ფლეი-ოფში ორი გუნდი გადის.  ერთნაირი ქულების დაგროვების შემთხვევაში კი გადამწყვეტი ბურთების შეფარდება იქნება.  ამ დროისთვის საქართველოს +84 აქვს, ირლანდიას კი +28.   ბოლო ტურში თუ ირლანდიას მოვუგებთ 1/4 ფინალში ყოველგვარი გართულების გარეშე გავალთ.  თუ არა და ჯგუფში ბურთები დაითვლება. თუ უკრაინამ სლოვაკეთი დაამარცხა და საქართველომ ირლანდიასთან წააგო ასეთ შემთხვევაში სამი გუნდი ერთმანირ ქულებს დააგროვებს და ყურადღება ასე დროს ურთიერთშეხვედრებს მიენიჭება.

სლოვაკეთი 58:83 ჩრდილოეთ მაკედონია
ირლანდია 81:60 დანია
საქართველო 85:73 უკრაინა

  1. ჩრდილოეთ მაკედონია 4  4 0 317-116  8
  2. საქართველო  4  3 1  329-245  7
  3. ირლანდია 4 2 2 293-265 6
  4. უკრაინა 4 2 2 309-288  6
  5. დანია 4  1  3 231-312  5
  6. სლოვაკეთი 4 0 4 215-316 4

მე-5 ტური
31 ივლისი
საქართველო : ირლანდია
ჩრდილოეთ მაკედონია : დანია
სლოვაკეთი : უკრაინა

 

0 კომენტარი
0

მსგავსი პუბლიკაციები

დატოვეთ კომენტარი