მთავარი მსოფლიოევროპის ჩემპიონატი საქართველოს 18-წლამდელთა ნაკრები ევროპის ჩემპიონატის 1/4 ფინალში გავიდა

საქართველოს 18-წლამდელთა ნაკრები ევროპის ჩემპიონატის 1/4 ფინალში გავიდა

ავტორი კახა მიხანაშვილი
58 ნახვა

რუმინეთის ქალაქ ორადეაში მიმდინარე ევროპის 18-წლამდელ კალათბურთელთა ევროპის ჩემპიონატის B დივიზიონში საქართველოს ნაკრებმა ჯგუფური ეტაპი წარმატებით დასძლია და 1/.4 ფინალში თამაშის უფლება მოიპოვა.

თემურ კანკიას შეგირდებმა ჯგუფის ბოლო მატჩში ირლანდიის ნაკრები დამაჯერებლად 77-63 დაამარცხეს.

ირლანდიელებმა ქართველებს წინააღმდეგობა შეხვედრის პირველი ორ პერიოდში გაუწიეს.  მესამე მეოთხედში კი ჩვენმა ბიჭებმა იმძლავრეს და მატჩიც გამარჯვებამდე ყოველგვარი გართულების გარეშე მიიყვანეს.

გამარჯვებული გუნდიდან საქართველოს ნაკრების უდაო ლიდერი რატი ანდრონიკაშვილი გამოირჩა. მან ორმაგი დუბლი შეასრულა.  ანდრონიკაშვილმა 13 ქულასთან ერთად 11 მოხსნაც მიითვალა.  რატის მხარი ალექსანდრე მერკვილაძემ აუბა.  მერკვილაძის ანგარიშზე ასევე 13 ქულა დაფიქსირდა.  ლაშა მიქელაძემ თავი 10 ქულას მოუყარა.  ბიძინა ფეიქრიშვილმა 9 ქულა დააგროვა, ხოლო 8-8 ქულა მეტოქის ფარში დაჩი კვაჭაძემ და ანზორ ნადირაძემ ჩააგდეს.

ირლანდიის ნაკრებს 13 ქულით სამნი ფაიანამ ულიდერა. 11 ქულას კი პოლ კელიმ უწია.

კონტინენტის პირველობაზე საქართველოს 18-წლამდელთა ნაკრების მეტოქის ვინაობა ცნობილი მოგვიანებით გახდება.

 

0 კომენტარი
0

მსგავსი პუბლიკაციები

დატოვეთ კომენტარი