მთავარი მსოფლიოევროლიგა თბილისის “დინამომ” “გაბალა” გაანადგურა და “ფეიენოორდთან” ბრძოლის უფლება მოიპოვა

თბილისის “დინამომ” “გაბალა” გაანადგურა და “ფეიენოორდთან” ბრძოლის უფლება მოიპოვა

ავტორი კახა მიხანაშვილი
73 ნახვა

უეფას ევროპა ლიგის მესამე საკვალიფიკაციო ეტაპზე თბილისის “დინამო” იასპარეზებს.

საქართველოს ყველაზე ტიტულოვანმა გუნდმა აზერბაიჯანის კლუბი ,,გაბალა” მეორე მატჩიც მშრალი ანგარიშით დაამარცხა.

აზერბაიჯანში მოპოვებული 2-0 გამარჯვების შემდეგ დედაქალაქელებმა თავი არც თბილისში “დინამო არენაზე” შეირცხვინეს და მეტოქეს 3-0 გადაუარეს.

პირველ ტაიმი რამდენიმე სახიფათო მომენტთან ერთად იმითაც გამოირჩა, რომ ჯერ “დინამოს” მცველი ნოდარ იაშვილი დაშავდა და შესაცვლელი შეიქმნა. რამდენიმე წუთში კი “გაბალას” ხორვატი ფეხბურთელი ივიცა ზუნიჩი ისე დაშავდა, რომ საჭირო მისი სავაადმყოფოში გადაყვანა გახდა.

პირველი უგოლო ტაიმის შემდეგ “დინამოელებმა” მეტოქეზე ზეწოლა გააძლიერეს და მოწინააღმდეგის კართან ხიფათს-ხიფათზე ჰქმნიდნენ.

“გაბალას” მეკარემ ანარ ნაზიროვმა რამდენჯერმე იყოჩაღა და საკუთარი გუნდი გოლის გაშვებას გადაარჩინა.

68-ე წუთზე “დინამო” დაწინაურდა  გოლი ლევან შენგელიას დიდებულ  თამაშს მოჰყვა. შენგელიამ მოედნის ცენტრში  ერთი ფეხბურთელი ოსტატურად ჩამოიცილა. რის შემდეგაც  მან დაახლოვებით 40-მეტრიანი დრიბლინგი განახორციელა. საჯარიმოს მისადგომთან ლევანმა “გაბალას” ერთი მცველი პირში ჩალა გამოვლებული დატოვა. ბოლოს კი ბურთი მეტოქის კარში გაახვია.

88-ე წუთზე ლევან შენგელიამ დუბლი შეასრულა. მან აზერბაჯანელების კარი ოსტატური, ეფექტიანი დარტყმით აიღო.

მსაჯის მიერ კონპენსირებულ დროში “დინამოს” განელმა ფორვარდმა კარიკარიმ ულამაზესი გოლი გაიტანა და თბილისურ გუნდში თავისი გოლების აქტივი გახსნა.

საბოლოოდ თბილისის “დინამომ” აზერბაიჯანული “გაბალა” ორი მატჩის ჯამში 5-0 გაანადგურა და ევროპა ლიგის მესამე საკვალიფიკაციო ეტაპზე გავიდა. იქ კი საქართველოს ყველაზე ტიტულოვან გუნდს ნიდერლანდთა სამეფოს კლუბ როტერდამის “ფეიენოორდთან” მოუწევს დაპირისპირება.

“დინამო” 8 აგვისტოს, ჰოლანდიაში ითამაშებს. ერთი კვირის თავზე კი მეტოქეს “დინამო არენაზე” მიიღებს.

ევროპა ლიგა
თბილისი, “დინამო არენა”

,,დინამო” (თბილისი) 3:0 “გაბალა” (აზერბაიჯანი)
68′ 88′ შენგელია (1-0, 2-0), 90+3′ კარიკარი (3-0)

,,დინამო”: პერალესი, იაშვილი (36′ რუხაია), მონხილი, კობოური, ქიმაძე, ნინუა, კუხიანიძე, პაპავა, ქავთარაძე (69′ დაფე), შენგელია, კუტალია (77′ კარიკარი)
მთავარი მწვრთნელი: ფელის ვისენტე

“გაბალა”: ნაზიროვი, ალიევი, ზუნიჩი (40′ გულიევი), რამალდანოვი, სეიდიევი, გიგაური, მამადოვი, ვოლკოვი, ფერეიროა (71′ ისკანდეროვი), ბოკე, კუაკუა (81′ ჰუსეინოვი)
მთავარი მწვრთნელი: ჰაშიმოვი.

0 კომენტარი
0

მსგავსი პუბლიკაციები

დატოვეთ კომენტარი