მთავარი მთავარი როტერდამის “ფეიენოორდი” “დინამოსთან” მატჩის წინ ჰოლანდიის ნაკრების ფეხბურთელით გაძლიერდა

როტერდამის “ფეიენოორდი” “დინამოსთან” მატჩის წინ ჰოლანდიის ნაკრების ფეხბურთელით გაძლიერდა

ავტორი კახა მიხანაშვილი
66 ნახვა

თბილისის “დინამოსთან” ევროპა ლიგაზე გასამართი მესამე საკვალიფიკაციო ეტაპის პირველი მატჩის წინ როტერდამის “ფეიენოორდი” ჰოლანდიის ნაკრების ფეხბურთელით ლუსიანო ნარსინგით გაძლიერდა.

ნიდერლანდების სამეფოს კლუბმა ნარსინგის სანაცვლოდ ინგლისური პრემიერლიგის კლუბ “სუონსს” 4.6 მილიონი ევრო გადაუხადა.

28 წლის ფეხბურთელი “ფეიენოორდმა” ევროპა ლიგის განაცხადში უკვე შეიყვანა და როტერდამელთა მწვრთნელი საჭიროების შემთხვევაში “დინამოს” წინააღმდეგ ათამაშებს.

ლუსიანო ნარსინგმა  პროფესიონალური  საფეხბურთო კარიერა ჰოლანდიაში კლუბ “ჰერენვეენში” 2008 წელს დაიწყო.  4 წლუს შემდეგ კი “პსვ ეინთჰოვენში” გადავიდა.

ნიდერლანდთა ერთ-ერთ საუკეთესო კლუბში ნარსინგმა 5 წელი გაატარა. მან  ამ ხნის განმავლობაში 115 შეხვედრაში 21 გოლი გაიტანა.

2017-2019 წლებში უელსური კლუბის “სუონსის” რიგებში მონაწილეობა ჯამში 33 მატჩში მიიღო და პრემიერლიგაში თავი ერთი გოლით გამოიჩინა.

ლუსიანო ნარსინგს ჰოლანდიის ეროვნულ ნაკრებში 16 შეხვედრა აქვს გამართული. მშობლიური ქვეყნის მაისურით მეტოქის კარი 4-ჯერ აიღო.

0 კომენტარი
0

მსგავსი პუბლიკაციები

დატოვეთ კომენტარი