მთავარი საქართველოეროვნული ლიგა ,,საბურთალოსა” და ქუთაისის “ტორპედოს” მატჩი გადაიდო

,,საბურთალოსა” და ქუთაისის “ტორპედოს” მატჩი გადაიდო

ავტორი კახა მიხანაშვილი
26 ნახვა

3-5 აგვისტოს,  საქართველოს “კრისტალბეთ ეროვნული ლიგის” 22-ე ტურის შეხვედრები გაიმართება.

ტრადიციული 5 დაპირისპირების ნაცვლად ამჯერად მხოლოდ 4 მატჩი შედგება.

საქართველოს ფეხბურთის ფედერაციამ კლუბ “საბურთალოს” თხოვნა დააკმაყოფილა და საქართველოს მოქმედი ჩემპიონისა და ქუთაისის “ტორპედოს” ორთაბრძოლა გადადეს.

თბილისელებს ევროტურნირებზე მონაწილეობის გამო დაძაბული გრაფიკი აქვთ და შეხვედრის გადადებაც ამის გამო ითხოვეს.
“საბურთალოს” ევროპა ლიგის მესამე საკვალიფიკაციო ეტაპის პირველი შეხვედრა ერევანში “არარატ არმენიასთან” 6 აგვისტოს ელოდება.

ევროპა ლიგაზე ორთაბრძოლის ჩატარება კიდევ ერთ ქართულ გუნდს თბილისის “დინამოსაც” უწევს, თუმცა საქართველოს ყველაზე ტიტულოვანი კლუბის თამაში 8 აგვისტოს, არის დანიშნული.
აქედან გამომდინარე “დინამო” თბილისურ დერბიში “ლოკომოტივთან” ტურის მატჩს ჩვეულებრივად ჩაატარებს.

22-ე ტური
3 აგვისტო
,,სიონი” (ბოლნისი) : ,,ვიტ ჯორჯია” (თბილისი)
დასაწყისი: 15:30 საათი

4 აგვისტო
,,დინამო” (ბათუმი) : ,,დილა” (გორი)
დასაწყისი: 21:00 საათი

“ლოკომოტივი” (თბილისი) : “დინამო” (თბილისი)
დასაწყისი: 21:00 საათი

6 აგვისტო
,,რუსთავი” : ,,ჩიხურა” (საჩხერე)
დასაწყისი: 21:00 საათი

0 კომენტარი
0

მსგავსი პუბლიკაციები

დატოვეთ კომენტარი