მთავარი მსოფლიოევროლიგა რა თანხა გამოიმუშავეს ევროსარბიელზე ქართულმა გუნდებმა?

რა თანხა გამოიმუშავეს ევროსარბიელზე ქართულმა გუნდებმა?

ავტორი კახა მიხანაშვილი
166 ნახვა

საქართველოს ჩემპიონმა “საბურთალომ” მიმდინარე წელს ევროთასებზე ამ მომენტუსთვის უკვე 1 200 000 ევრო გამოიმუშავა.

თბილისურმა კლუბმა ჩემპიონთა ლიგის პირველი საკვალიფიკაციო რაუნდი წარმატებით დასძლია. დედაქალაქელებმა ორი მატჩის ჯამში მოლდოვის “შერიფი” 4-3 დაამარცხეს.
მეორე ეტაპზე კი ზაგრების “დინამოსთან” ორრაუნდიან ჯახში ევროპის ყველაზე პრესტიჟული ტურნირიდან გამოვარდნენ და ასპარეზობას ევროპა ლიგაზე გააგრძელებენ.

“საბურთალომ” ევროთასებზე მონაწილეობისთვის 280 000 ევრო მიიღო. “შერიფის” გამოგდების შემდეგ კი მათ 380 000 ევრო დაიმსახურეს.

თბილისელებს უეფა ჩემპიონთა ლიგის მე-2 საკვალიფიკაციო ეტაპზე წაგებისთვის დამატებით 260 000 ევრო გადასცა.

ევროპა ლიგის მე-3 ეტაპზე თამაშისთვის კი 280 000 ევროს ჩაურიცხავს.

ევროპა ლიგის ჯგუფში მოხვედრის სანაცვლოდ “საბურთალო” კიდევ 2 920 000 მილიონი ევროს მიიღებს.

მესამე საკვალიფიკაციო რაუნდში  “საბურთალო” პირველ მატჩს სტუმრად 6 აგვისტოს ერევანში, გამართავს. ერთი კვირის თავზე კი სომხებს შინ, “მიხეილ მესხის” არენაზე მიიღებს.

საქართველოს ყველაზე ტიტულოვანმა კლუბმა თბილისის “დინამომ” ევროპა ლიგაზე ორი ბარიერი წარმატებით გადალახა.
თბილისელებმა ჯერ იყო და ორი მატჩის ჯამში
ანდორის კლუბ “ენგორდანს” 7:0 სძლიეს. შემდეგ კი მის გზას აზერბაიჯანული “გაბალაც” გაუყენეს. ჩვენს მეზობლებს “დინამომ” გასვლაზე 2-0 მოუგო. შინ კი 3-0 დაამარცხა.

მიმდინარე ევროტურნირებზე თბილისის “დინამოს” გამომუშავებულმა თანხამ ჯერჯერობით 780 000 ევროს შეადგენა, რაც 2 521 584 ლარი ექვივალენტია.
ევროპა ლიგის ჯგუფურ ეტაპზე მოხვედრის შემთხვევაში “დინამოს” ბიუჯეტი კიდევ 2 920 000 მილიონი ევროთი შეივსება.

თბილისის “დინამო” მესამე საკვალიფიკაციო ეტაპზე როტერდამის “ფეინოორდს” დაუპირისპირდება.

პირველი ორთაბრძოლა ნიდერლანდთა სამეფოში 8 აგვისტოს გაიმართება.
განმეორებითი შეხვედრა კი თბილისში 15 აგვისტოს შედგება.

0 კომენტარი
0

მსგავსი პუბლიკაციები

დატოვეთ კომენტარი