მთავარი მსოფლიოინგლისი „მანჩესტერ იუნაიტედის“ ახალი კაპიტანი ეშლი იანგი იქნება

„მანჩესტერ იუნაიტედის“ ახალი კაპიტანი ეშლი იანგი იქნება

ავტორი კახა მიხანაშვილი
10 ნახვა

ინგლისის ერთ-ერთი ყველაზე ტიტულოვანი კლუბი „მანჩესტერ იუნაიტედი”  პრემიერლიგის ახალი სეზონისთვის ემზადება.

“წითელი ეშმაკების” მთავარმა მწვრთნელმა ოლე გუნარ სოლსკიაერმა გუნდის ახალი კაპიტანი დაასახელა.

საერთაშორისო ჩემპიონთა თასზე  ,,მილანთან”  პენალტების სერიაში გამარჯვების შემდეგ გამართულ პრესკონფერენციაზე მანჩესტერელთა ნორვეგიელმა თავკაცმა განაცხადა, რომ მომავალ სეზონში “იუნაიტედს” ინგლისის ნაკრების ფეხბურთელი ეშლი იანგი უკაპიტნებს.  მის არ ყოფნის შემთხვევაში კი კაპიტნის სამკლაურს გუნდის ესპანელი მეკარე დავიდ დე ხეა ჩაიბარებს.

34 წლის ვეტერანი ინგლისელი ფეხბურთელი ეშლი სიმონ იანგი “მანჩესტერ იუნაიტედში” 2011 წლიდან თამაშობს.  მან ამ ხნის განმავლობაში “წითელი ეშმაკების” მაისურით 118 შეხვედრა ჩაატარა და 15 გოლი გაიტანა.

ინგლისური საფეხბურთო კლუბის კაპიტანი გასულ სეზონზე ანტონიო ვალენსია იყო, თუმცა მან გუნდი კონტრაქტის ვადის ამოწურვის შემდეგ დატოვა და კარიერის გაგრძელება მშობლიურ ეკვადორის კლუბ “ლდუ კიტოში” გადაწყვიტა.

“მანჩესტერ იუნაიტედი” ინგლისის პრემიერლიგის წლევანდელ გათამაშებაში 11 აგვისტოს, ჩაერთვება.  პირველი ტურის შეხვედრაში მანჩესტერელთა მოწინააღმდეგე ლონდონის “ჩელსი” იქნება.

0 კომენტარი
0

მსგავსი პუბლიკაციები

დატოვეთ კომენტარი