მთავარი საქართველოეროვნული ლიგა თბილისურ დერბიში “დინამომ” “ლოკომოტივი” დაჩაგრა და 6-ბურთიანი სხვაობით გაანადგურა

თბილისურ დერბიში “დინამომ” “ლოკომოტივი” დაჩაგრა და 6-ბურთიანი სხვაობით გაანადგურა

ავტორი კახა მიხანაშვილი
49 ნახვა

საქართველოს “კრისტალბეთ ეროვნული ლიგის” 22-ე ტურის შეხვედრაში თბილისური დერბი გაიმართა. ერთმანეთს “მიხეილ მესხის” სტადიონზე “ლოკომოტივი” და “დინამო” დაუპირისპირდნენ.

საქართველოს ყველაზე ტიტულოვანმა გუნდმა წაუგებელი სერია გააგრძელა და თანაქალაქური კლუბი დაიბრიყვა.  “დინამომ” ,,რკინიგზელებს” 6 გოლი გაუტანა და 6-0 გაანადგურა.

მატჩის პირველი გოლი ნიკა ნინუამ მე-3 წუთზე გაიტანა.   პირველი ტაიმის ბოლო 8 წუთში “დინამომ” “ლოკომოტივის” კარი კიდევ 3 -ჯერ აიღო.

პირველ ნახევარში გოლები ლევან კუტალიამ, ნოდარ ქავთარაძემ და ნიკა ნინუამ გაიტანეს.   ნინუამ შეხვედრაში დუბლი შეასრულა.

მეორე ტაიმში თამაშის სურათი არ შეცვლილა ფეხბურთს, მხოლოდ ერთი გუნდი თბილისის “დინამო” თამაშობდა.  შედეგად “ლოკომოტივის” კარის ბადეში ბურთი 2-ჯერ კიდევ გაეხვა.

გოლები შეცვლაზე შემოსულმა ფეხბურთელებმა შეაგდეს.  71-ე წუთზე ამ მატჩის გმირმა ნიკა ნინუამ საგოლე პასი აკაკი შულაიას გაუკეთა.  77-ე წუთზე კი ეროვნულ ლიგაში სადებიუტო გოლი “დინამოს” ახალწვეულმა განელმა ფორვარდმა კვამე კარიკარი გაიტანა.

საბოლოოდ თბილისის “დინამომ” 6-0 გამარჯვების შემდეგ სატურნირო ცხრილში ლიდერობა განიმტკიცა.  საქართველოს 16-გზის ჩემპიონებს ამჯერად 44 ქულა აქვთ და უშუალო კონკურენტ “საბურთალოს” 4 ქულით უსწრებენ.

“საბურთალოსა” და ქუთაისის “ტორპედოს” ტურის შეხვედრა თბილისური გუნდის ევროსარბიელზე ჩასატარებელი მატჩის გამო გადაიდო.

ბათუმის “დინამომ” საკუთარ კედლებში გორის “დილას” დამარცხება ვერ მოახერხა.  ორთაბრძოლა ფრედ 0-0 დასრულდა.

,,დინამო” (ბათუმი) 0:0 ,,დილა” (გორი)

“ლოკომოტივი” (თბილისი) 0:6  “დინამო” (თბილისი)
3′ ნინუა (0-1), 37′ კუტალია (0-2), 41′ ქავთარაძე (0-3), 44′ ნინუა (0-4),  71′ შულაია (0-5),  77′ კარიკარი (0-6)

“ლოკომოტივი”:  ბულისკერია, კომახიძე,  გურეშიძე, ჭანტურია, უბილავა,  გვილია (46′ შეყილაძე), შონია, მახარობლიძე,  სამურკასოვი (59′ გოროზია), კირკიტაძე (72′ ჯიქია), სიხარულიძე

“დინამო”:  პერალესი, რუხაია, მონხილი,  კობოური, ქიმაძე,  პაპავა (73′ ქარდავა), ნინუა,  შენგელია (63′ შულაია), ქავთარაძე, დაფე (54′ კარიკარი),  კუტალია

“სიონი” (ბოლნისი)  1:0 “ვიტ ჯორჯია” (თბილისი)
56′ დიმიტრი ტატანაშვილი

1. დინამო თბილისი 22 14 2 6 45:23 44
2. საბურთალო თბილისი 21 12 4 5 38:26 40
3. დინამო ბათუმი 22 12 4 6 34:22 40
4. ტორპედო ქუთაისი 21 10 4 7 42:33 34
5. ლოკომოტივი თბილისი 22 10 2 10 27:29 32
6. ჩიხურა 21 6 9 6 28:22 27
7. დილა გორი 22 7 5 10 24:26 26
8. ბოლნისი 22 7 4 11 24:52 25
9. რუსთავი 21 4 7 10 24:36 19
10. ვიტ ჯორჯია 22 4 3 15 11:28 15

ფოტო: FC Dinamo Tbilisi

0 კომენტარი
0

მსგავსი პუბლიკაციები

დატოვეთ კომენტარი