მთავარი მთავარი ცოტა რამ “საბურთალოს” მოწინააღმდეგის “არარატ არმენიას” შესახებ

ცოტა რამ “საბურთალოს” მოწინააღმდეგის “არარატ არმენიას” შესახებ

ავტორი კახა მიხანაშვილი
76 ნახვა

საქართველოს ჩემპიონ თბილისის “საბურთალოს”  ჩემპიონთა ლიგიდან გამოვადნის შემდეგ ევროპა ლიგაზე მეტოქედ “არარატ არმენია”  ერგო.

ცნობისთვის, ეს გუნდი ის ერევნის “არარატი” არ არის, რომელთანაც საქართველოს ყველაზე ტიტულოვან კლუბს თბილისის “დინამოს” საბჭოთა კავშირის დროს დიდი ბრძოლების გადატანა უწევდა და მათი პაექრობა ერთ-ერთი გამორჩეული იყო, როგორც სანახაობის,  ისე დაძაბულობის მხრივ.

“არარატ არმენია”  2017 წელს სომეხმა ბიზნესმენმა რუბენ აირაპეტიანმა  დაარსა.   გუნდი თავდაპირველად “ავან აკადემიის” სახელით  სომხეთის საფეხბურთო ჩემპიონატის პირველ ლიგაში დარეგისტრირდა.  კლუბმა პირველივე წელს  უმაღლესი ლიგის საგზურიც მოიპოვა.

2018 წელს გუნდი რუსეთში მყოფმა სომეხმა მილიარდელმა სამველ კარაპეტიანმა შეიძინა, რომელიც მოსკოვის “არარატის” მფობელი გახლდათ.   კარაპეტიანმა ახალ გუნდს უკეთესი სახელი ვერ მოუფიქრა და ამ  კლუბსაც “არარატი” დაარქვა.  ერთმანტისგან, რომ განესხავებინა სომხურ “არარარტს” ,,არმენია” მიუწერა.

სამველ კარაპეტიანის მოსვლის შემდეგ “არარატ არმენიაში”  სერიოზული ინვესტიციები განხორციელდა.  გუნდმა რამდენიმე უცხოელი ლეგიონერი შეიძინა.  ამის შედეგად “არარატ არმენია” უმაღლეს ლიგაში ყოფნის პირველივე წელს სომხეთის ჩემპიონი გახდა.

“არარატ არმენიამ”  ჩემპიონთა ლიგის პირველ საკვალიფიკაციო ეტაპზე შვედეთის ჩემპიონ “აიკთან” ორი მატჩის ჯამში 3-4 წააგო.

სომხურმა კლუბმა შინ, სკანდინავიელები 2-1 დაამარცხა.  შვედეთის ქალაქ სორნაში კი ბრძოლა  1-3 დათმო.

ევროპა ლიგაზე გადასვლის შემდეგ კი გიბრალტარის გუნდის ,,ლინკოლნ რედ იმპსის”  წინააღმდეგობა იოლად დასძლია.   ერევნელებმა ჯუჯა სახელმწიფოს წარმომადგენლებს ორი მატჩის ჯამში 4-1 მოუგეს.

,,არარატ არმენიას” 24-კაციან განაცხადში 15 ლეგიონერი ჰყავთ.   გუნდის მფლობელის რუსეთთან კავშირის გამო გასაკვირია არ არის, რომ უცხოტომელების უმრავლესობას რუსი ფეხბურთელები წარმოადგენენ.

,,არარატ არმენიაში”  რუსების სათვისტომოს კაპიტანი დმიტრი გუზი, ანტონ კობიალკო და მეკარე დმიტრი აბაკუმოვი წარმოადგენენ.

გუნდში ლეგიონერთაგან  პორტუგალიელი ანჯელო მენეშეში,  ბულგარელი გიორგი პაშოვი,  ბურკინა ფასოელი ზაკარია სანოგო,  მაროკოელი როჩდი აჩენტეჰი, მაკედონიელი ალექსანდერ დამჩევსკი,  ჰოლანდიელი ფურჯელ ნარსინგი,  სერბი მეკარე სტეფან ჩუპიჩი,  კოტ’ დიუვარელი კოჯო კასე ალპონსე, ესტონელი ილია ანტონოვი, ჰაიტელი მაილსონ ლიმა და ნიგერიელი ოგანა ლუისი იმყოფებიან.

“არარატ არმენიასა” და “საბურთალოს” პირველი ორთაბრძოლა ერევანში 6 აგვისტოს, შედგება. განმეორებითი მატჩი კი თბილისში 13 აგვისტოს, გაიმართება.

 

0 კომენტარი
0

მსგავსი პუბლიკაციები

დატოვეთ კომენტარი