მთავარი მთავარი გიორგი ჭიაბრიშვილი: ,, “არარატ-არმენიას” ბარიერის დაძლევის შემთხვევაში, ვალდებულები ვართ ევროპა ლიგის ჯგუფში გავიდეთ”

გიორგი ჭიაბრიშვილი: ,, “არარატ-არმენიას” ბარიერის დაძლევის შემთხვევაში, ვალდებულები ვართ ევროპა ლიგის ჯგუფში გავიდეთ”

ავტორი კახა მიხანაშვილი
61 ნახვა

თბილისის ,,საბურთალოს” მთავარმა მწვრთნელმა გიორგი ჭიაბრიშვილმა ერევანში ,,არარატ არმენიასთან”  გასამართ მატჩისწინა პრესკონფერენციაზე ჟურნალისტებთან ისაუბრა.

ჭიაბრიშვილს ისევე, როგორც ყოველთვის, ხვალაც გამარჯვების იმედი აქვს. მისი აზრით, “საბურთალოს” ახლა უფრო ძლიერი მეტოქე გვყავს, ვიდრე შესაძლოა მომავალში გვყავდეს.

“საბურთალოს”თავკაცი აცხადებს, რომ ,,არარატ არმენიას” ბარიერის გადალახვის შემთხვევაში  გუნდი ვალდებულია შემდეგი ეტაპიც გავიაროს.

 თუ მოასწარით მოწინააღმდეგის შესწავლა და რა იქნება ხვალინდელ მატჩში “საბურთალოს” უპირატესობა?
– მეტოქის რამდენიმე ვიდეო ვნახეთ. კარგი გუნდია, რომელიც გამოცდილი ფეხბურთელებით არის დაკომპლექტებული. “არარატ-არმენიაში” სხვადასხვა ნაკრების ფეხბურთელებიც თამაშობენ. ჰყავთ გამოცდილი და კვალიფიციური მთავარი მწვრთნელი. ისინი ცდილობენ ფეხბურთის თამაშს.
– ვაგნერ გონსალვესის ტრავმა რამდენად სერიოზულია?
– სამედიცინო პერსონალი ყველაფერს აკეთებს, რომ ვაგნერი განმეორებით თამაშში იყოს. ახლა გადაჭრით არაფრის თქმა არ შემიძლია. დანარჩენი ფეხბურთელები, 100 პროცენტით მზად არიან სათამაშოდ.
– “საბურთალო” ევროტურნირებზეც თამაშობს და ეროვნულ ჩემპიონატში. ეს კარგია?
– ვფიქრობ, ეს ფაქტორი გარკვეული უპირატესობაა, რადგან ჩემი ფეხბურთელები შეთამაშებულები არიან.
– რა მოლოდინი გაქვთ ხვალინდელ მატჩზე?
– ისევე, როგორც ყოველთვის, ხვალაც გამარჯვების იმედი მაქვს. ახლა, მთავარია დავძლიოთ მესამე ეტაპი და გადავიდეთ დასკვნით მატჩებზე.
 ლაშა შინდაგორიძე ბელარუსიაში წავიდა სათამაშოდ. გყავთ მისი შემცვლელი?
– უმჯობესი იქნებოდა ლაშა ევროტურნირების დასრულებამდე დარჩენილიყო გუნდში, თუმცა ეს მისი არჩევანი იყო. ერთ ფეხბურთელზე არ ვართ დამოკიდებული და რა თქმა უნდა, გვყავს მისი შემცვლელი.
– ზაგრების “დინამოსთან” პირველად ითამაშეთ 3-5-2 განლაგებით. მომავალშიც აპირებთ ამ ტაქტიკით თამაშს?
– რამდენიმე დღის წინ “დინამოსთან” პირველად ვითამაშეთ ხსენებული განლაგებით. კმაყოფილი ვარ, კიდევ ერთხელ გამოჩნდა, რომ მოქნილი გუნდი გვყავს. რაც შეეხება მომავალში თამაშს, იქიდან გამომდინარე ვიმსჯელებთ, თუ ვის ვეთამაშებით და რა შემადგენლობა გვყავს. “საბურთალოს” შეუძლია სხვადასხვა ტაქტიკით თამაში.
– საიდუმლო არ არის, რომ საქართველოდან გულშემატკივრები მოემგზავრებია. რა რაოდენობის ქომაგს ელოდებით?
– ჩემი მოვალეობა არ არის ვიცოდე, რა რაოდენობის გულშემატკივრები იქნებიან, თუმცა მაქვს ინფორმაცია რომ მსურველი ერევანში ჩამოსვლის, ბევრია. მეზობელი ქვეყნები ვართ და არ არის გასაკვირი, რომ სურს ხალხს ერევანში ჩამოსვლა. ვნახოთ, დაველოდოთ ხვალინდელ მატჩს.
– შემდეგ ეტაპზე გასვლის შემთხვევაში, ვის ისურვებდით მეტოქედ ფლეი-ოფის მატჩებში?
– ახლა, მთელი ჩემი ფიქრები ხვალინდელ მატჩზეა. ფლეი-ოფში სავარაუდო მეტოქეებზე ინფორმაციის მიღება ჯერ არ დაგვიწყია, თუმცა გამარჯვების შემთხვევაში ვიცი ვისაც შეიძლება შევხვდეთ. როგორც არ უნდა მორჩეს ხვალინდელი მატჩი, ყველაფერი 14 აგვისტოს თბილისში გადაწყდება.
– ევროპა ლიგის დღევანდელმა კენჭისყრამ, “საბურთალოს” ისტორიული შანსი მისცა ჯგუფურ ეტაპზე მოხვედრის. მსგავსი შესაძლებლობა შესაძლოა კარგს ხანს არ იყოს. ის, რომ “საბურთალო” ახლოსაა ჯგუფურ ეტაპამდე, ეს ფეხბურთელებისთვის დამატებითი მოტივაციაა?
– ვფიქრობ, ახლა უფრო ძლიერი მეტოქე გვყავს, ვიდრე შესაძლოა მომავალში გვყავდეს. არ მიყვარს წინასწარ საუბარი და პროგნოზების გაკეთება, თუმცა იმ მეტოქეებიდან ვინც შესაძლოა შეგვხვედროდა, საუკეთესო წყვილი გვერგო. ფეხბურთელებისთვის, რა თქმა უნდა მოტივაციაა, მაგრამ მეორეს მხრივ, მძიმე ტვირთიც. ესა თუ ის ბარიერი აუცილებლად გადასალახავი რომ არის – თავისებური წნეხია. “არარატ-არმენიას” ბარიერის დაძლევის შემთხვევაში, ვალდებულები ვართ შემდეგი ეტაპიც გავიაროთ.
 ჩემპიონთა ლიგის საკვალიფიკაციოზე ორი გასვლითი მატჩი გამართეთ. ხვალ მესამე იქნება. სასურველი შედეგი რა შეიძლება იყოს?
– კარგი იქნება თუ კარს მშრალად შევინახავთ და გოლს გავიტანთ. ვფიქრობ, ასეთ შემთხვევაში კარგი შანსი გვექნება შემდეგ ეტაპზე გასასვლელად.

დღეს, “არარატ არმენიასა” და “საბურთალოს” მატჩი 19 საათზე შედგება.

განმეორებითი შეხვედრს თბილისში 13 აგვისტოს გაიმართება.

სომხური ბარიერის დაძლევიდ შრმთხვევაში “საბურთალო” ლუქსემბურგის “დუდელანჟისა” და ესტონეთის “კალიუს” შორის ორრაუნდიან ორთაბრძოლაში გამარჯვებულს შეხვდება.

წყარო: fcsaburtalo.ge

0 კომენტარი
0

მსგავსი პუბლიკაციები

დატოვეთ კომენტარი