მთავარი მთავარი ჩემპიონთა ლიგა: უხვგოლიანი მატჩი “პაოკსა” და “აიაქსს” შორის

ჩემპიონთა ლიგა: უხვგოლიანი მატჩი “პაოკსა” და “აიაქსს” შორის

ავტორი კახა მიხანაშვილი
134 ნახვა

უეფას ჩემპიონთა ლიგაზე მესამე საკვალიფიკაციო ეტაპის პირველი შეხვედრები გაიმართა.

საბერძნეთის ქალაქ სალონიკში ერთმანეთს ადგილობრივი “პაოკი” და გასული ჩემპიონთა ლიგის 1/2 ფინალისტი ამსტერდამის “აიაქსი” დაუპირისპირდნენ.

შეხვედრა თვალსასეირო, დრამატული და უხვგოლიანი აღმოჩნდა.
მატჩში ოთხი გოლი გავიდა.

ანგარიში მე-10 წუთზე “აიაქსის” მაროკოელმა ნახევარმცველმა ჰაკიმ ზიეჩიმ გახსნა.

მასპინძლებმა პირველი ტაიმი თავის სასარგებლოდ დაასრულეს.
31-ე წუთზე წონასწორობს “პაოკის” ინგლისელმა ფეხბურთელმა ჩუბა აკპომმა აღადგინა.
39-ე წუთზე სალონიკელები ბრაზილიელმა ლეო მატოსმა დააწინაურა.

მეორე ნახევარში ნიდერლანდთა სამეფოს ყველაზე პოპულარულმა გუნდმა ანგარიში გაათანაბრა.
გოლი 35 წლის ვეტერანმა ჰოლანდიელმა ფორვარდმა კლაას-იან ჰილუნტელაარმა 57-ე წუთზე  გაიტანა.

საბოლოოდ მატჩი ფრედ 2-2 დასრულდა.
ამ გუნდების განმეორებითი ორთაბრძოლა ამსტერდამში ,,იოჰან კრუიფის” სტადიონზე 13 აგვისტოს, შედგება.

აქვე იმასაც მოგახსენებთ, რომ “პაოკისა” და “აიაქსის” წყვილში გამარჯვებულს ფლეი-ოფში მეტოქედ კვიპროსის “აპოელისა” და აზერბაიჯანის “ყარაბახის” შორის საუკეთესო ერგება. დიდი ალბათპბით ეს საუკეთესო, “ყარაბახი” იქნება, რამეთუ აზერბაიჯანის ჩემპიონმა კუნძულელებს 2-0 მოუგო.

,,აპოელი” (კვიპროსი) 0:2 “ყარაბახი” (აზერბაიჯანი)
54′ ემრელი (0-1), 69′ გუეიე (0-2)

“პაოკი” (საბერძნეთი) 2:2 “აიაქსი” (ჰოლანდია)
10′ ზიეჩი (0-1), 31′ აკპომი (1-1), 39′ მატოსი (2-1), 57′ ჰუნტელაარი (2-2)

დინამო” (ზაგრები, ხორვატია) 1:1 “ფერენცვაროსი” (უნგრეთი)
7′ ოლმო (1-0), 60′ სიგერი (1-1)

“ბრიუგე” (ბელგია) 1:0 “დინამო” (კიევი, უკრაინა)
37′ ვანაკენი პენ.

“ცრვენა ზვეზდა” (სერბეთი) 1:1 “კოპენჰაგენი” (დანია)
44′ პავკოვი (1-0), 84′ ვინდი პენ. (1-1)

0 კომენტარი
0

მსგავსი პუბლიკაციები

დატოვეთ კომენტარი