მთავარი ჭიდაობაბერძნულ-რომაული კიდევ 7 მედალი და კიდევ 2 ოქრო

კიდევ 7 მედალი და კიდევ 2 ოქრო

195 ნახვა

პირველ საფინალო დღის შემდეგ, თბილისის ოლიმპიურ სასახლეში მიმდინარე “ვახტანგ ბალავაძე-გივი კარტოზიას” სახელობის მემორიალურ ტურნირზე, საქართველოს ერთიანი გუნდის მონაგარი 10 მედალი იყო, დღეს კი ყულაბა კიდე 7-ით შეივსო.

ამჯერად ჩემპიონ-პრიზიორები 57, 65, 74 და 60, 67, 77 და 87 კილოგრამებში გამოვლინდნენ.

უფრო მეტი წარმატებით კვლავაც თავისუფალი სტილით მოჭიდავეები გამოვიდნენ და შვიდიდან ხუთი მედალი სწორედ მათზე მოდის. ჩემპიონები ოთარ გოგავა (57კგ) და გიორგი სულავა (74კგ) გახდნენ, ვერცხლს თემურ ბერუაშვილი (74კგ) დაეუფლა ვინ ფინალი სულავასთან წააგო, ხოლო მესამე საპრიზორ ადგილებზე რამაზ თურმანიძე (57კგ) და ცოტნე აბალაკი (65კგ) გავიდნენ.

ოქროს მედალთან ერთად ვახტანგ ბალავაძის სახელობის სპეციალური პრიზიც ირგუნა გიორგი სულავამ.

მან მთელი ტურნირი უმღლეს დონეზე ჩაატარა და კიდევ ერთხელ დაამტკიცა რომ ამ წონის ერთ-ერთი გამორჩეული და ფალავანია. გამორჩეული საჭიდაო ინტელექტისა და ტექნიკის პატრონია და არც მებრძოლი ჟინი დაეწუნება.

ოთარ გოგავამ საჩემპიონო შეხვედრაში აზერბაიჯანელ ისლამ ბაზარგანოვის აჯობა.

ბერძნულ-რომაელთაგან ვიცეჩემპიონი 87 კილოში მოჭიდავე შალვა ხაჩიძე გახდა,  მესამეზე კი ნიკა საბანაშვილი გავიდა, ვინც 67 კილოგრამის ბრინჯაოს ფინალში თანაგუნდელ გიორგი კურტანიძეს მოუგო.

ამრიგად ორი საფინალო დღის შემდეგ ქართულ ყულაბაში 17 მედალია – 4-4 ოქრო-ვერცხლი და 9 ბრინჯაო.

 

ფოტო: პირველი არხი

0 კომენტარი
0

მსგავსი პუბლიკაციები

დატოვეთ კომენტარი