მთავარი მსოფლიოესპანეთი რაფაელ ნადალი მონრეალის ტურნირზე ჩემპიონობისკენ მიიწევს

რაფაელ ნადალი მონრეალის ტურნირზე ჩემპიონობისკენ მიიწევს

ავტორი კახა მიხანაშვილი
38 ნახვა

კანადის ქალაქ მონრეალში მიმდინარე საჩოგბურთო ტურნირზე 1/2 ფინალისტები გამოვლინდნენ.

ტურნირზე პირველ ნომრად განთესილმა ესპანელმა რაფაელ ნადალმა 1/4 ფინალური ბარიერი დაძაბულ ბრძოლაში დასძლია.

ყველა დროის ერთ-ერთმა საუკეთესო ჩოგბურთელმა 1/2 ფინალის საგზური იტალიელ ფაბიო ფონინისთან გამარჯვების შემდეგ მოიპოვა.

ნადალმა აპენინელი ჩოგბურთელი 3-სეტში 2-6, 6-1, 6-2 დაამარცხა.

ფრანგი გაელ მონფილსისა და ესპანელი რობერტო ბაუტისტა აგუტის ბრძოლა დასაწყისშივე შეწყდა. ასე, რომ ნადალის მეტოქე ჯერჯერობით არ გარკვეულა.

მეორე 1/2 ფინალი რუსული იქნება. ერთმანეთს კარენ ხაჩანოვი და დანილ მედვედევი შეერკინებიან.

კარენ ხაჩანოვმა ნიკოლოზ ბასილაშვილის მძლეველ გერმანელ ალექსანდრ ზვერევს 2-სეტში 6-3, 6-3 სძლია.

დანილ მედვედევმა კი ავსტრიელ დომინიკ ტიმს 6-3, 6-1 მოუგო.

მონრეალის ტურნირზე 1/2 ფინალური ორთაბრძოლები 10 აგვისტოს, შედგება.

0 კომენტარი
1

მსგავსი პუბლიკაციები

დატოვეთ კომენტარი