მთავარი მთავარი ვლადიმირ ვაისი: ,,ლატვიასთან მატჩში ვეცდებით კარი მშრალად შევინახოთ”

ვლადიმირ ვაისი: ,,ლატვიასთან მატჩში ვეცდებით კარი მშრალად შევინახოთ”

ავტორი კახა მიხანაშვილი
185 ნახვა

საქართველოს ეროვნული ნაკრების მთავარმა მწვრთელმა ვლადიმირ ვაისმა ლატვიასთან მატჩისწინა პრესკონფერენციაზე მომავალი მატჩის შესახებ ისაუბრა.

ქართველთა თავკაცი აცხადებს, რომ ნაკრებს ჯერ არაფრისთვის მიუღწევია და გუნდს მოდუნების უფლება არ აქვს.

ეროვნული გუნდის მწვრთნელის აზრით, მნიშვნელოვანია საქართველოს ნაკრებმა კარი მშრალად შეინახოს.

ვლადიმირ ვაისი: ,,ლატვიას კარგი მწვრთნელი ჰყავს. იგი  უპირატესობას 4-4-2 ტაქტიკური სქემით თამაშს  ანიჭებს. მეტოქე სტანდარტულების დროს ძალიან სახიფათოა. ვიცით, რომ ლატვიელები გამარჯვებას გეგმავენ, ეს მათი ერთ-ერთი ბოლო შანსია.

მაგრამ ჩვენც იგივე მიზანი გვაქვს. წინა მატჩები ბალტიისპირულმა გუნდმა კარგად ჩაატარა და წესით 2 ქულაზე მეტიც უნდა მოეპოვებინათ.

ამ ეტაპზე საქართველოს ნაკრებს ჯერჯერობით არაფრისთვის მიუღწევია.  აქედან გამომდინარე თითოეული ჩვენთაგანი ხვალინდელ მატჩზე ვფიქრობთ. ახლა მოდუნების უფლება არ გვაქვს. კარგად დაწყებული საქმე ბოლომდე უნდა მივიყვანოთ.

ამ მოცემულობით მართალია, ჯგუფში პირველ ადგილს ვიკავებთ, თუმცა ჯგუფიდან გასვლის შანსს ყველა ნაკრები ინარჩუნებს.

ლატვიასთან მატჩში ვეცდებით კარი ისევ მშრალად შევინახოთ. ეს ჩვენთვის მნიშვნელოვანია.

მომავალი მატჩისთვის ახალი ფეხბურთელების დამატება არ გადავწყვიტე.

შემადგენლობაში ცოტა ცვლილებები იქნება.  მაგრამ ძირითადად ისევ გამარჯვებულ ფეხბურთელებს ვათამაშებ.  ნაკრების ძირითად შემადგენლობაზე ჯერჯერობით ჩამოყალიბებული არ ვარ.

რაც შეეხება ლუკა ზარანდიას ის ნიჭიერი ბიჭია და მომავალში მისი იმედი მაქვს. მაგრამ ახლა ექსპერიმენტების დრო არ არის.

ხვალ უფრო რთული თამაში გველოდება, ვიდრე თბილისში იყო.

აქედან გამომდინარე  საგოლე მომენტები მაქსიმალურად უნდა გამოვიყენოთ.” –  განაცხადა საქართველოს ნაკრების მწვრთელმა ვლადიმირ ვაისმა.

ლატვია – საქართველოს მატჩი 16 ოქტომბერს, თბილისის დროით 22:45 საათზე გაიმართება.

შეხვედრის პირდაპირი ტრანსლაციას საზოგადოებრივი მაუწყებლის პირველ არხი შემოგვთავაზებს.

0 კომენტარი
0

მსგავსი პუბლიკაციები

დატოვეთ კომენტარი