მთავარი მსოფლიოინგლისი ჩემპიონის შესანიშნავი დასაწყისი – “მანჩესტერ სიტიმ” ლონდონში გაილაღა

ჩემპიონის შესანიშნავი დასაწყისი – “მანჩესტერ სიტიმ” ლონდონში გაილაღა

ავტორი კახა მიხანაშვილი
42 ნახვა

ინგლისის პრემიერლიგის პირველი ტურის სასტარტო შეხვედრაში მოქმედმა ჩემპიონმა “მანჩესტერ სიტიმ” ლონდონში, ადგილობრივი “ვესტ ჰემი” 5-0 გაანადგურა.

“ქალაქელებმა” პირველ ტაიმში ერთი გოლი გაიტანეს. 25-ე წუთზე თავი ბრაზილიელმა ფორვარდმა გაბრიელ ჟესუსმა გამოიჩინა. სამხრეთ ამერიკელს საგოლე პასი კილი უოლკერმა გაუკეთა.

მეორე ტაიმში “სიტის” ფორვარდის რაჰემ სტერლინგის ბენეფისი შედგა. ინგლისელმა ფეხბურთელმა ჰეთთრიკი შეასრულა.

სტერლინგმა თავისი პირველი გოლი 51-ე წუთზე გაიტანა. მას მეტოქის კარის დალაშქვრაში ბელგიელი კევინ დე ბრუინი დაეხმარა.

75-ე წუთზე რაჰემ სტერლინგმა “ჩაქუჩებს” მორიგი გოლი შეუგდო.
ამჯერად ასისტენტის როლში ალჟირელი რიად მაჰრეზი მოგვევლინა.

მატჩის დასრულებამდე 4 წუთით ადრე “ვესტ ჰემის” კარის მიმართულებით პენალტი დაინიშნა. ბურთთან  გასული წლის პრემიერლიგის საუკეთესო ბომბარდირი არგენტინელი სერხიო აგუერო მივიდა.
სამხრეთ ამერიკელმა11-მეტრიანი ზუსტად შეასრულა.

მსაჯის მიერ კონპენსირებულ დროში რაჰემ სტერლინგმა ჰეთთრიკი გაიფორმა და მატჩის საუკეთესო მოთამაშეც გახდა.

საბოლოოდ “მანჩესტერ სიტიმ” 5-0 მოიგო და პრემიერლიგა გამარჯვებით დაიწყო.

ვესტ ჰემი” 0:5 “მანჩესტერ სიტი”
25′ გაბრიელ ჟესუსი (0-1), 51′ 75′ სტერლინგი (0-2, 0-3), 86′ აგუერო პენ. (0-4), 90+1′ სტერლინგი (0-5)

“ბორმუთი” 1:1 “შეფილდ იუნაიტედი”
62′ მეპჰემი (1-0), 88′ შარპი (1-1)

“ბარნლი” 3:0 “საუთჰემპტონი”
63′ 70′  ბარნსი (1-0, 2-0),  75′ გუდმუნდსონი (3-0)

“კრისტალ პალასი” 0:0 “ევერტონი”

“უოტფორდი” 0:3 “ბრაიტონი”
28′ დოკური (0-1), 65′ ანდონე (0-2), 77′ მაუპაი (0-3)

დღეს, 20:30  საათზე  ,,ტოტენჰემი” : “ასტონ ვილა”

0 კომენტარი
0

მსგავსი პუბლიკაციები

დატოვეთ კომენტარი