მთავარი საქართველოლეგიონერები შოთა არველაძის “ფახთაქორის” მიჯრით მე-9 გამარჯვება უზბეკეთის ჩემპიონატში

შოთა არველაძის “ფახთაქორის” მიჯრით მე-9 გამარჯვება უზბეკეთის ჩემპიონატში

ავტორი კახა მიხანაშვილი
268 ნახვა

უზბეკეთის ჩემპიონატის მე-16 ტურის შეხვედრაში შოთა არველაძის “ფახთაქორმა” მორიგი შთამბეჭდავი გამარჯვება მოიპოვა.

არველაძის შეგირდებმა შინ, “ბუხოვო” გამანადგურებელი ანგარიშით 5-0 დაამარცხეს და უზბეკეთის ჩემპიონატს დაუმარცხებლად ლიდერობენ. თან აღსანიშნავია, რომ ტაშკენტელებმა ზედიზედ მე-9 გამარჯვება იზეიმეს.

“ფახთაქორმა” პირველ 23 წუთში სამი გოლი გაიტანა და მატჩის ბედი საწყის წუთებზე გადაწყვიტა.

ანგარიში მე-7 წუთზე იგორ სეერგეევმა გახსნა. მე-12 მარატ ბიკმაევმა სხვაობა ორამდე გაზარდა. გოლების რაოდენობა სერბმა დრაგან სერანმა გაასამა.

მეორე ნახევარში 63-ე და 66-ე წუთებზე დუბლები მარატ ბიკმაევმა და დრაგან სერანმა შეასრულეს.

ამ გამარჯვების შემდეგ შოთა არველაძის გუნდს 41 ქულა გაუხდა და უშუალო კონკურენტ ტაშკენტის “ლოკომოტივს” 10 ქულით გაუსწრო. თან ერთი თამაში რეზერვში აქვს.

“ფახთაქორი” უზბეკეთის ჩემპიონატში მორიგ მატჩს გასვლაზე ,,აგკმ”-სთან 18 აგვისტოს, ჩაატარებს.

0 კომენტარი
0

მსგავსი პუბლიკაციები

დატოვეთ კომენტარი