მთავარი მთავარი ლიპარტელიანმა კლუჟში იპირველა

ლიპარტელიანმა კლუჟში იპირველა

61 ნახვა

კვლავაც იყოჩაღეს ქართველმა ძიუდოისტთა ევროპის ახალგაზრდულ თასზე, რომელსაც რუმინული კლუჟი მასპინძლობდა გუშინ და გუშინწინ. დასკვნით დღეს ტატამზე გასული  4 ფალავნიდან მედალი 3-მა მოიგო – ეთერ ლიპარტელიანმა, ნატალია ყიფშიძემ და გიორგი შერაზადიშვილმა.

მათგან საუკეთესო შედეგი “ლიპოს” ჰქონდა, რომელიც კვარცხლბეკის უმაღლეს საფეხურზე დადგა.

57 კილოგრამის საფინალო გზაზე მან იპონებით გაიარა ადგილობრივი სინკარი, რომელსაც სხვათაშორის 12 წამში შეუსრულა ულამაზესი ხაბარელი, მონტენეგროელი ლაცინი და ბოსნიელი სამარდიჩი, იქ კი სერბების გამოცდილ მარიცა პერესიჩს შეხვედრის მიწურულს ეფექტურად შესრულებული გდებით სძლია.

ამავე წონაში გამოდიოდა მარიამ მაზანაშვილიც, თუმცა ასპარეზობა უმედლოდ დაასრულა.

ფინალს უწია 81 კილოში გიორგი შერაზადიშვილმაც, თუმცა ვიცეჩემპიონობას დასჯერდა. იტალიელმა ჯაკომო გამბამ ხელის მტკივნეულით აჯობა. მიუხედავად მარცხისა მაინც აქტივში ჩაიწერება ეს შეჯიბრება ჩვენებურისთვის. პირველი წელია რაც გიორგი ახალგაზრდებში გადმოვიდა და უკვე მიჯრით მეორე ტურნირიდან გვიბრუნდება მედლით.

ასევ ვერცხლი ერგო ქალთა ფლანგზე ჩვენს მეორე წარმომადგენელს ნატალია ყიფშიძემს (48კგ) და ის კარიერაში ჯერჯერობთ საუკეთესო შედეგზე გავიდა.

ამდენად ჩვენმა დელეგაციამ კლუჟის ტურნირზე გამოსვლა 7 მედლით დაასრულა – 2 ოქრო, 3 ვერცხლი და 2 ბრინჯაო.

0 კომენტარი
0

მსგავსი პუბლიკაციები

დატოვეთ კომენტარი