მთავარი მთავარი “პსჟ”-მ საფრანგეთის ჩემპიონატი გამარჯვებით დაიწყო

“პსჟ”-მ საფრანგეთის ჩემპიონატი გამარჯვებით დაიწყო

ავტორი კახა მიხანაშვილი
31 ნახვა

საფრანგეთის საფეხბურთო ჩემპიონატის 2019-2020 წლების სასტარტო ტურის შეხვედრაში “პსჟ”-მ იოლი გამარჯვება იზეიმა.

პარიზელებმა შინ, ,,პარკ დე ფრენსის” სტადიონზე “ნიმის” 3-0 სძლიეს.

24-ე წუთზე დედაქალაქელთა სასარგებლოდ პენალტი დაინიშნა. 11-მეტრიანის შესასრულებლად ბურთთან ურუგვაელი ფორვარდი ედისონ კავანი მივიდა. სამხრეთ ამერიკელის დარტყმული ზუსტად
კარის ბადეში გაეხვა.

56-ე წუთზე სხვაობა ორამდე ფრანგმა ფორვარდმა კილიან მბაპემ გაზარდა. მას ასისტენტობა ესპანელმა ხუან ბერნატმა გაუწია.

69-ე წუთზე კი კილიან მბაპემ საგოლე გადაცემა გააკეთა. მისი პასი არგენტინელმა ანხელ დი მარიამ შეირგო.

საბოლოოდ “პსჟ”-მ 3-0 მოიგო და საფრანგეთის ჩემპიონატში პირველი 3 ქულა მიითვალა.

საფრანგეთის ჩემპიონატის პირველი ტურის შედეგები ასეთია:

“პსჟ” 3-0 “ნიმი”
“ლილი” 2:1 “ნანტი”
“სტრასბურგი” 1:1 “მეცი”
“მარსელი” 0:2 “რეიმსი”
“ანჟე” 3:1 “ბორდო”
“ბრესტი” 1:1 “ტულუზა”
“დიჟონი” 1:2 “სენტ ეტიენი”
“მონპელიე” 0:1 ,,რენი”
“ნიცა” 2:1 “ამიენი”

0 კომენტარი
0

მსგავსი პუბლიკაციები

დატოვეთ კომენტარი