მთავარი სხვა_კრივი მოკრივეების 15 მედალი შინაურ ევროპირველობაზე

მოკრივეების 15 მედალი შინაურ ევროპირველობაზე

59 ნახვა

მედლებით დახუნძლული გამოდგა ქართველი მოკრივეებისთვის შინაურ კედლებში, დიღომის ოლიმპიურ სოფელში მდებარე ფრენბურთის არენაზე, გამართული ევროპის ჩემპიონატი. ქართული დელეგაციას მონაგარმა 15 მედალი შეადგინა – 7 ოქრო და 4 ვერცხლი და 4 ბრინჯაო.

და სანამ ჩვენების ასპარეზობებს მიმოვიხილავთ, მანამდე მოკლე ინფორმაციას გაგაცნობთ ტურნირის შესახებ:

ასაკობრივი კატეგორია 14-წლამდელები გახლდათ, ჩატარების დრო 4-11 აგვისტო და მასში მონაწილეობას 30 ქვეყნის 300-ზე მეტი სპორტსმენი იღებდა. წონითი კატეგორიების რაოდენობა კი 33 იყო ჯამში.

მედლების საერთო რაოდენობით ქართველი ვაჟები მხოლოდ მეზობელ უკრაინელებს ჩამორჩნენ (ჩვენ 12 მედალი გვერგო, უკრაინელებს კი 14), თუმცა ხარისხობრივად ახლოსაც კი არავინ გაიკარეს. ჩვენმა მებრძოლებმა საქართველოს ჰიმნი 7-ჯერ ააჟღერეს. კონტინენტის უძლიერესები გორ აივაზიანი (41,5 კგ), გოჩა გორდულავა (44,5კგ), დავით ჯაფარიძე (46კგ), საბა ერემეიშვილი (48კგ), დემურ ქაჯაია (52კგ), გია მითაგვარია (65კგ) და ტარიელ შარიქაძე (105კგ) გახდნენ.

ოქრომდე თითო გამარჯვება დააკლდათ და ვიცეჩემპიონებას დსჯერდნენ ლუკა წულეისკირი (38,5კგ), მურად ტაგიევი (40კგ) და დავით ხუციშვილი (90კგ), ბრინჯაოები კი ლუკა ბასარიას (43კგ) და თემურ ქართველიშვილს (72კგ) ერგოთ.

ასევე ვიყოჩაღეთ გოგონა ფლანგზე და 3 მედლით დავასრულეთ გამოსვლა.

ვიცეჩემპიონი თათია ბუკია (70კგ) გახდა, მესამე საპრიზო ადგილზე კი თამარ სამელია (38კგ) და ელენე თოდუა (44კგ) გავიდნენ.

0 კომენტარი
0

მსგავსი პუბლიკაციები

დატოვეთ კომენტარი