მთავარი მსოფლიოინგლისი დიდი ინგლისური ჯახის მოლოდინში – ევროპის სუპერთასის მოსაპოვებლად ერთმანეთს “ლივერპული” და “ჩელსი” შეერკნებიან

დიდი ინგლისური ჯახის მოლოდინში – ევროპის სუპერთასის მოსაპოვებლად ერთმანეთს “ლივერპული” და “ჩელსი” შეერკნებიან

ავტორი კახა მიხანაშვილი
42 ნახვა

დღეს, თურქეთის ქალაქ სტამბულში “ბეშიქთაშ პარკზე”  ევროპის სუპერთასის მატჩში ერთმანეთს ჩემპიონთა ლიგის ტრუმფატორი “ლივერპული” და ევროლა ლიგის გამარჯვებული ლონდონის “ჩელსი” შეერკინებიან.

დაპირისპირება სტარტს თბილისის დროით 23:00 საათზე აიღებს.

ორივე გუნდი მოახლოვებულ მატჩს საკადრო პრობლემებით ხვდება.   “ლივერპულს” ძირითადი მეკარე ბრაზილიელი ალისონი ჰყავს ტრავმირებული.  მას ფეხის წვივის პრობლემა აქვს.  მისი თანაგუნდელი ნათანიელ კლაინი კი სუპერთასის მატჩს მუხლის ტრავმის გამო გამოტოვებს.

“ჩელსის” ლაზარეთში ჰოლანდიელი მარკო ვან გინკელი, გერმანელი ანტონიო რუდიგერი და ინგლისელი ფეხბურთელები რუბენ ლოფტუს-ჩიკი, კალუმ ჰუდსონ-ოდოი და რის ჯეიმსი იმყოფებიან.

“ლივერპულისა”  და “ჩელსის” ურთიერთშეხვედრების ისტორია საფუძველს შორეულ 1907 წლიდან იღებს.  მას შემდეგ ეს გუნდები ერთმანეთს 182-ჯერ დაუპირისპირდნენ.  აქედან ლონდონელმა “არისტოკრატებმა” წარმატებას 78 მატჩში მიაღწიეს.  63-ჯერ გამარჯვება “ბიტლომანთა ქალაქის” გუნდს დარჩა. 41 შეხვედრა კი ფრედ დასრულდა.

პრემიერლიგის სასტარტო მატჩში “ლივერპულმა” იოლად გაიმარჯვა. “წითლებმა” სეზონის გახსნის მატჩში “ნორვიჩს” 4-1 სძლიეს.

“ლივერპულიდან”  გოლები ეგვიპტელმა მოჰამედ სალაჰმა,  ჰოლანდიელმა ვირჯინ ვან დეიკმა და ბელგიელმა დივოკ ორიჯიმ გაიტანეს. ერთი გოლი მეტოქემ საკუთარ კარში შეაგდო.

ლონდონის “ჩელსი” კი მანჩესტერში “ოლდ ტრაფორფის” სტადიონზე შერცხვა.   “არისტოკრატებმა”  “მანჩესტერ იუნაიტედთან” 0-4 წააგეს და ახალ მწვრთნელს გუნდის ლეგენდას ფრენკ ლამპარდს პრემიერლიგაში სამწვრთნელო დებიუტი ჩაუმწარეს.

სუპერთასი “ლივერპულს” ისტორიაში 3-ჯერ აქვს მოპოვებული.  “ჩელსიმ” კი აღნიშნული თასი ერთხელ აღმართა.

სუპერთასის ფინალურ მატჩზე გუნდების სავარაუდო შემადგენლობა ასეთიო იქნება:

ევროპის სუპერთასი
სტამბული, “ბეშიქთაშ პარკი”

“ლივერპული” : “ჩელსი”

“ლივერპული”: ადრიანი, ალექსანდ-არნოლდი, გომესი, ვან დეიკი, რობერტსონი, ჰენდერსონი, კეიტა, მილნერი, სალაჰი, ფირმინო, მანე
მთავარი მწვრთნელი: იურგენ კლოპი

“ჩელსი”: კეპა, ასპილიკუეტა, კრისტიანსენი, ზუმა, ემერსონი,ჯორჯინიო, კოვაჩიჩი, პედრო, ბარკლი, პილისიჩი, ჟირუ
მთავარი მწვრთნელი: ფრენკ ლამპარდი

სუპერთასის ისტორიაში პირველად მატჩს ქალბატონი განსჯის. მატჩის არბიტრი 35 წლის ფრანგი სტეფანიე ფრაპარტი იქნება.

0 კომენტარი
0

მსგავსი პუბლიკაციები

დატოვეთ კომენტარი